Ali-ali

Saka Wikipédia Jawa, bauwarna mardika basa Jawa
Ali-ali
ali-ali perak abad 20 seko mesir

Ali-ali ya iku rerenggan awak kang wanguné bunder, ukurané cilik lan dianggo ing driji.[1] Driji kang lumrahé dianggoni ali-ali ya iku driji tengah lan utawa driji manis.[1] Déné ali-ali kang dianggo ing driji manis lumrahé ali-ali tunangan utawa ali-ali kawin utawa diarani cincin kawin.[1] Ali-ali ana kang diwènèhi pepaès wujud permata utawa berlian lan ana kang mung bunder polos.[1] Ali-ali kena dianggo wong lanang utawa wong wadon.[2] Ali-ali digawé saka emas utawa logam liyané, plastik, balung, kaca, berlian, batu permata, lan bahan liyané.[2] Saiki ali-ali uga ana kang digawé saka monel, pérak , lan monté-monté kang kanggo rerenggan.[2]

Pakulinan mènèhi lan nampa ali-ali wis ana wiwit 4.800 taun kapungkur.[2] Ali-ali pernikahan lumrahé dipasang ing driji manis. Pakulinan iki asalé saka kapercayan wangsa Tudor ing abad 16.[2] Kapitayan iki nerangaké yèn driji manis kang kiwa iku nduwéni sesambungan karo pembuluh darah kang nyambung langsung ing jantung.[2] Mulané yèn wong ngenggo ali-ali ing driji manis iku bisa mratandhaké yèn wong iku lagi nduwéni sesambungan katresnan karo lawan jinis.[2]

Sajarah[besut | besut sumber]

Ali-ali kawin asalé nalika Pharaohs of Egypt utawa pharaoh saka Mesir kang ndadékaké lingkaran dadi simbol.[2] Bunderan utawa lingkaran ora nduwé pucuk lan bongkot dadi ora mandheg lan terus nyambung.[2] Simbol iki mratandhaké kalestarèn utawa kalanggengan.[2] Ali-ali lagi dadi simbol kawinan nalika jaman Romawi.[2] Ali-ali kawin kang sepisanan digawé saka wesi.[2] Sawisé iku lagi digawé ali-ali saka emas awit bahan emas katon luwih éndah.[2] Sawisé iku ali-li banjur dikombinaséké karo berlian utawa permata.[2]

Cathetan suku[besut | besut sumber]

  1. a b c d [1](dipunundhuh tanggal 7 Juni 2011)
  2. a b c d e f g h i j k l m n warungundangan.com Archived 2011-06-18 at the Wayback Machine.(dipunundhuh tanggal 7 Juni 2011)