Topaz

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
TopazUSGOV.jpg
Topaz

Topaz yaiku mineral silikat kang kasusun saka aluminium lan fluorin kanthi formula kimia Al2SiO4(F,OH)2.[1] Topaz ngristal ana ing wujud ortorombik lan saperangan kristale wujude prisma kang pucuke piramida utawa bentuk liyane.[1] Topaz murni ora ana wernane utawa transparan nanging biasane diwarnai dening impuritas; topaz biase wernane kuning, abu-abu enom utawa uga jingga kemerahan, lan biru cokelat.[1] Saliyane kuwi ana uka kang wernane putih, ijo enom, biru, emas, abang jambu (langka), kuning rada abang utawa opak nganti tekan transparan.[1] Topaz sering digandhengake karo watu beku silisik jenis granit lan riolit. Mineral iki dadi kristal ana ing jerone pegmatit granit utawa bolongan uap ana ing aliran lava riolit kaya ing Pegunungan Topaz sisih kulon Utah.[1] Topaz bisa ditemokake karo fluorit lan kasiterit ana ing maneka werna negara kalebu ana ing Pegunungan Ural lan Ilmen ing Negara Rusia, Afghanistan, Sri Lanka, Republik Ceko, Jerman, Norwegia, Pakistan, Italia, Swedia, Jepang, Brazil, Meksiko, Pulau Flinders, Australia, Nigeria, lan Amerika Serikat.[2] Jeneng "topaz" asale saka tembnung (Lama Perancis: Topace lan Latin: Topazus) saka Yunani Τοπάζιος (Τοpáziοs) utawa Τοπάζιον(Τοpáziοn), jeneng kuna saka Pulo St John ana ing Laut Merah.[2]

Pranala Njaba[sunting | sunting sumber]

Commons-logo.svg
Wikimedia Commons gadhah galeri bab:


Cathetan Suku[sunting | sunting sumber]

  1. ^ a b c d e [Hurlbut, Cornelius S.; Klein, Cornelis, 1985, Manual of Mineralogy, 20th ed., ISBN 0-471-80580-7]
  2. ^ a b Topaz at Webmineral
Sumber artikel punika saking kaca situs web: "http://jv.wikipedia.org/w/index.php?title=Topaz&oldid=832579"