Yakgwa

Saka Wikipédia Jawa, bauwarna bébas abasa Jawa
Yakgwa

Yakgwa (약과) ya iku jinis roti tradisional kas Korea (hangwa) kang digawé saka glepung gandum, madu lan lenga wijen.[1][2] Roti iki biyasane disuguhake nalika perayaan acara-acara wigati ing masarakat Korea.[1] Sejarahe, roti iki wis digawé kawit jaman Dinasti Goryeo (935-1397) lan katulis ing dokumen-dokumen kuno.[1] Roti iki dianggep istimewa lan digunakake déning raja ing upacara persembahan ing kuil Buddha. Ing Cina, yakgwa dikenal kanthi aran Goryeobyeong (kue Goryeo).[1] Nalika iku yakgwa digawé kanthi wujud manuk, karper utawa woh-wohan.[1] Ing mangsa Dinasti Joseon (1397-1910), roti iki digawé kanthi wujud krisan kang luwih prasaja kanggo ancas ritual persembahan.[1] Ing jaman mau, yakgwa kang digawé saka bahan-bahan kayata gandum, madu lan lenga wijen, dianggep mewah déning rakyat mula ing swijining wektu nalika rega barang mundhak lan nyebabake rakyat dadi kaliren, roti iki ora olih digawé manèh.[1]

Proses gawé[besut | besut sumber]

Glepung gandum digawé dadi adonan lan dicampurake karo arak kang duweni kualitas apik, dicetak, lan digoreng nganti mateng. Sawise iku roti dicelupake ing madu kang wis dicampuri sari jahe, bubuk kayu manis lan mrica ireng.[1] Kanggo nambahi rerenggan, lumahing roti dilapisi kacang cemara.[1]

Delengen uga[besut | besut sumber]

Referensi[besut | besut sumber]

  1. ^ a b c d e f g h i An Illustrated Guide to Korean Culture - 233 traditional key words. Seoul: Hakgojae Publishing Co. 2002. kk. 114–115. ISBN 89-8546-98-1 Priksa gandra |isbn= (pitulung). 
  2. ^ (id) Yakgwa, kbs. Diundhuh tanggal 9 Juni 2010.


Sumber artikel punika saking kaca situs web: "https://jv.wikipedia.org/w/index.php?title=Yakgwa&oldid=1097179"