Waisak

Saka Wikipédia, bauwarna bébas basa Jawa

Dina Waisak utawa Waisaka (Pali; Sangskreta: Vaiśākha वैशाख) iku dina suci agama Buddha. Ing nagara-nagara sing ana penganut agama Buddha, dina riraya iki diarani séjé-séjé antarané: Visakah Puja utawa Buddha Purnima ing India, Vesak ing Malaysia, Singapura lan Sri Lanka, Visakha Bucha ingThailand.

Dina riraya iki dirayakaké ing wulan Mei pas wektu padhang wulan purnama utawa purnama sidhi. Waisak iku dirayakaké kanggo pèngetan 3 prastawa, ya iku:

  1. Wiyosé Pangéran Siddharta ing Taman Lumbini taun 623 SM
  2. Kanggo pèngetan wektu Pangeran Siddharta kasil pinaringan Pepadhangan Agung lan kasil dadi Buddha ing Buddha-Gaya wektu yuswané 35 taun, iku pas ing taun 588 SM
  3. Uga kanggo pèngetan Buddha Gautama mangkat ing Kusinara wektu yuswané 80 taun utawa ing taun 543 SM

Pèngetan Waisak[besut | besut sumber]

Ing Indonésia[besut | besut sumber]

Pèngetan Dina Waisak ing Indonésia manut kaputusan WFB. Sacara tradhisional dipusatna sacara nasional ing komplèk Candhi Barabudhur, Magelang, Jawa Tengah.

Rangkéan pèngetan Waisak nasional sacara pokok ya iku:[1]

  1. Njupuk banyu berkat saka sumber banyu (umbul) Jumprit ing Kabupatèn Temanggung lan penyalaan obor migunakaké sumber api abadi Mrapen, Kabupatèn Grobogan.
  2. Ritual "Pindatapa", ya iku ritual pemberian bahan panganan marang para biksu déning masyarakat (umat) kanggo ngélingaké yèn uripé para biksu ngabdi mung kanggo mpuja bakti tanpa golèk pangan.
  3. Semadi ing dhetik-dhetik puncak rembulan purnama. Penentuan rembulan purnama iki miturut perhitungan èlmu falak, saéngga puncak purnama bisa kedadéyan ig wayah rina.

Saliyané telu upacara pokok iku dianakaké uga pradaksina, pawai, sarta acara kesenian.

Uga pirsani[besut | besut sumber]

Rujukan[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Waisak&oldid=1044803"