Tantowi Yahya

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Tantowi Yahya
Ty3.jpg
PakaryanPranatacara
Penyanyi
Pengusaha
Anggota DPR-RI (2009-2014)
Taun aktif1989-saiki
BojoDewi Handayani
AnakMuhammad Adjani Prasanna Yahya

Tantowi Yahya (lair ing Palembang, Sumatra Kidul, 29 Oktober 1960; umur 59 taun).[1] Tantowi Yahya iku salah sijiné presenter tivi kang misuwur jenengé.[1] Saliyané iku, Tantowi Yahya uga dadi ikon musik country ing Indonésia.[1] Tantowi Yahya iku mase presenter kang jenengé Helmi Yahya.[1] Tantowi Yahya iku anak saka pasangan H.M. Yahya Matusin lan Hj. Komariah Yahya.[1] Tantowi Yahya wiwit cilik pancén duwé kepenginan dadi wong kang misuwur jenengé.[1] Kanggo nggayuh pangimpéné iki, Tantowi Yahya banjur duwé usaha kang tenanan.[1] Wiwit kelas loro SMU Tantowi Yahya sinau karo mulangaké basa Inggris ing panggonan kang kanggo kursus nalika Tantowi lagi kelas 1 SMP.[1]

Karir bisnis[besut | besut sumber]

Lulus SMU taun 1979, Tantowi kang ngugemi agama Islam iki banjur ijrah ing kutha Yogyakarta.[1] Tantowi banjur kuliah D1 ing akademi Perhotèlan.[1] Sawisé iku, Tantowi Yahya banjur pindah ing Jakarta. Karir kerjané diwiwiti dadi resepsionis ing Hotèl Borobudur Jakarta nalika taun 1982.[1] Taun 1984, Tantowi banjur pindah ing Hotèl Hilton.[1] Taun 1987, Tantowi pindah ing perusahaan pita kaset BASF.[1] Amarga usaha kang tenanan, Tantowi banjur éntuk kalungguhan dadi Promotion Manager, kamangka Tantowi lagi kerja rong taun.[1] Nalika taun 1994, nalika Tatowi metu saka BASF.[1] Iki amarga pabrik iku nutup prodhuksi kasèté.[1] Pabrik BASF ing Jerman tutup amarga wis ana teknologi kang luwih modern ya iku disc).[1]

Karir donyaning hiburan[besut | besut sumber]

Presenter[besut | besut sumber]

Acara tivi kang sepisanan kabawah Tantowi ya iku acara kuis Gita Remaja-TVRI (1989), kang dipandu uga karo Ani Sumadi.[1] Jenengé ora mung misuwur ing TVRI nanging uga laris dadi MC (master of ceremony) uing acara-acara.[1] Karir kang paling apik ya iku nalika Tantowi Yahya dadi presenter ing acara kuis kang duwé taraf internasional ya iku Who Wants to Be a Millionaire? kang disiyaraké ing RCTI nalika taun (2001 nganti 2006).[1] Tantowi Yahya uga éntuk penghargaan dadi The Most Favourite Television Quiz Host ing ajang Panasonic Awards 2003, 2004, lan 2005.[1] Tantowi uga dadi salah sijiné wong kang nggawé lan uga sekretaris jenderal Indonésian Music Awards Foundation taun 1997-2001.[1] Saliyané iku, Tantowi Yahya uga dadi presenter acara Are You Smarter Than a 5th Grader? sadurungé digenténi karo Nico Siahaan. Saliyané iku, Tantowi Yahya uga seneng karo musik.[2] Saking senenge karo musik Tantowi Yahya nganti nggambaraké yèn musik iku dadi agama kang kaping pindho.[2]

Cathetan suku[besut | besut sumber]

  1. a b c d e f g h i j k l m n o p q r s t u v selebriti.kapanlagi.com(dipunundhuh tanggal 25 Juli 2011)
  2. a b thejakartapost.com(dipunundhuh tanggal 25 Juli 2011)