Tal (topèng)

Saka Wikipédia Jawa, bauwarna bébas abasa Jawa

Tal (탈) ya iku jinis topeng kang asalé saka Koréa kang ngrembaka kawit jaman prasajarah.[1] Topeng Koréa uga dikenal kanthi aran gamyeon, gwangdae, chorani, talbak lan talbagaji.[1] Tal biyasane digunakaké ing pementasan tari topeng (talchum) kang maineke pirang-pirang karakter wong, kewan utawa makluk alus.[1]

Topeng Koréa bisa dikategorekake dadi topeng religius lan topeng seni kang digawe saka bahan kayu, kertas lan kulit.[1] Topeng religius ya iku jinis topeng kang dikeramatake ing kuil-kuil shamanisme lan digunakaké nalika ritual upacara.[1] Topeng religius liyané ya iku topeng Bangsangsi kang digunakaké nalika ritual ngubur mayit kanggo ngusir roh ala.[1] Topeng seni digunakaké ing pementasan talchum.[1] Salah siji jinis topeng kang misuwur ya iku topeng Hahoe kang digunakaké ing pementasan Hahoe Byeolsing-gut talnori (Tari Topeng Hahoe) ing Andong.[2]

Werna-warna kang racaké ana ing topeng Koréa ya iku abang, ireng lan putih kanggo nuduhake karakter tokoh kang dimainake.[1] Saliyané iku warna uga dadi pratandha jinis kelamin lan umuré karakter.[1] Topeng karakter wong tuwa wernane ireng, wong enom wernane abang lan wong wadon kang isih enom wernane putih.[1] Akeh-akèhé topeng Koréa minangka karakter rai manungsa nanging ana topeng kang nggambarake rai déwa-déwa, lan kewan.[1]

Cathetan suku[besut | besut sumber]

  1. ^ a b c d e f g h i j k Mask and Dance, koreanculture. Diundhuh tanggal 31 Mèi 2010.
  2. ^ Lim, Jae-hae (2004). "Yangban Mask" (PDF). Koreana 1.  Paramèter |month= sing ora kawruhan dikiwakaké (pitulung)