Sega Jenggo
Sega Jenggo (utawa sega jinggo) ya iku salah sijining panganan khas Bali kang memper karo sega kucing ing Yogyakarta utawa Jawa Tengah.[1][2]
Sega jinggo iku isiné sega putih sakepel tangane wong diwasa. Lawuhe warna-warna kaya ta suwiran iwak pitik (padatan sing dianggo iku ayam betutu), mi goreng, endhog dadar, kering tempe, sambel matah kang pedhes, kacang brol utawa kacang tholo goreng, oseng kacang lanjaran, srundeng (ing basa Bali diarani saur). Sega iki diungkus nganggo godhong gedhang.[1][2][3]
Sajarah[besut | besut sumber]
Miturut carita wong-wong kang dodol ing Jimbaran, sega jinggo ing Bali wiwitane saka dalan Gajah Mada, Denpasar. Ing kono ana pasar Kumbasari kang buka sadina sewengi. Awit saka iku, wong-wong ing pasar kang kudu melek bengi mbutuhake panganan kanggo ngganjel wetenge nalika ngelih ing wayah wengi. Tembung jinggo iku asalé saka Gang J (kanggo jinggo ing kéné).[3] Miturut carita liya, nalika taun 1970-1980, para penjelajah Kuta ing wayah wengi duwé gaya khas kang memper koboi jaman wild west. Mbokmenawa, koboi Kuta iki kang diarani Jango.[2]
Cathetan suku[besut | besut sumber]
- ↑ a b 8.000 Nasi Jinggo Siap Disantap
- ↑ a b c Ini Dia Nasi Kucing Khas Bali
- ↑ a b "Nasi Jinggo Simpangan-Jimbaran". Diarsip saka sing asli ing 2011-08-07. Dibukak ing 2011-08-07.
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |