Satyagraha Hoerip
Satyagraha Hoerip utawa Oyik (lair ing Lamongan, Jawa Wétan, 7 April 1934 – pati ing Jakarta, 14 Oktober 1998 ing umur 64 taun) ya iku salah sawijiné sastrawan saka Indonesia. Asmané misuwur minangka pangripta carita cekak, novèl, lan skénario filem kang mumpuni ing kasusastran Indonesia. Satyagraha Hoerip uga salah sijiné panggagas lairé Angkatan Sastrawan 1963, sadurung H.B. Jassin nggagas lairé Angkatan Sastrawan 1966. Sanadyan dhèwèké ora naté ngrampungké pendhidhikan ing pawiyatan luhur, nanging naté nampa kapracayan dadi dhosèn tamu ing Indonesian Studies Summer Institute, Universitas Ohio, Athens, Amérikah Sarékat (1982). Prakaryané awujud skénario, Di antara Dua Dunia (1980) naté diangkat ing filem layar jembar déning Teguh Karya lan Palupi (1970) diangkat déning Asrul Sani.[1]
Riwayat
[besut | besut sumber]Satyagraha Hoerip lair ing Lamongan, Jawa Wétan tanggal 7 April 1934. Dhèwèké saka kulawarga priyayi. Wong tuwané ngarep-arep dhèwèké bisa dadi sarjana hukum, nanging anané buku-buku sastra kang diwaca, mligi carita wayang lan dongèng ndadèkaké Oyik milih donyane kasusastran.[2] Sawisé ngrampungké sekolahé ing SMA, Oyik neruské ing pawiyatan luhur. Pirang-pirang pawiyatan wis naté dileboni, nanging ora ana siji-sijia kang dirampungké, antarané Fakultas Hukum Universitas Indonesia (1950). Ing kana, Oyik kacathet minangka mahasiswa ikatan dinas. Sabanjuré ngalih ing Universitas Gajah Mada Yogyakarta ing Fakultas HESP (Hukum Ékonomi, Sosial Pulitik) uga minangka mahasiswa ikatan dinas. Ing UGM ora betah, terus ngalih ing Universitas Padjajaran (UNPAD) Bandung, kang uga ora patia suwé, banjur ngukuhaké nyambut gawé ing médhia massa kang ditelatèni mataun-taun.[3]
Bakat Oyik minangka nganggit wis katon awit ésih sekolah ing SMP. Sajabané kagiyatan sekolah, dhèwèké ngrintis pakumpulan Gallant Assocation of Young Art (GAYA) kang cacah anggotané nganti 20 wong.[4]
Oyik ora naté ngrampungke kuliahé, bab iki jalaran kekurangan wong tuwané ora padha karo gegayuhané. Dadi, Oyik lumebu ing sapérang pawiyatan luhur amrih bungahé wong tuwané, kang nyuwun supaya dhèwèké bisa ngrengkuh gelar Meester in de Rechten (MR). Nanging kaanan kaya mangkono kurang dimangertèni déning wong tuané, yèn kesenian ing kapribadhèné tuhu kandel. Mula saka kuwi, sanajan Oyik tetep mangkat kuliah, kang dicakaké ya mung nganggit lan maca buku-buku babagan eksistensialisme lan buku pulitik.
Pakaryané Oyik paling misuwur ing Indonesia ya iku Bisma Banteng Mayapada (carita wayang, 1960), Sepasang Suami Isteri (novèl, 1964), Burung Api (carita bocah,1970), Tentang Delapan Orang (kumpulan carita cekak, 1980), Sesudah Bersih Désa (kumpulan carita cekak, 1989), Gedono Gedini (kumpulan carita cekak, 1990), lan Sarinah Kembang Cikembang (kumpulan carita cekak, 1993)[5]
Lumaku
[besut | besut sumber]- Ariwarti minggon Minggu (Yogyakarta)
- Penerbit Ganaco (Bandung)
- Sekretariat Kedutaan Besar Aljazair di Jakarta
- Ariwarti Kami (1966-1967)
- Ariwarti Sinar Harapan (1967-1980)
- Panerbit Sinar Harapan (1980-1984)
- Kalawarta Swasembada (1985-1986)
- Dhosèn tamu ing Indonesian Studies Summer Institute, University Ohio, Athens, Amérikah Sarékat (1982)
Pangaji
[besut | besut sumber]- Seorang Buruan (carkak), saka kalawarta Sastra taun 1961
- Sebelum yang terakhir (carita cekak), saka redhaksi kalawarta Horison taun 1968.
Uga delengen
[besut | besut sumber]Rujukan
[besut | besut sumber]- ↑ "Taman Ismail Marzuki, dijupuk 15 Feb 2015". Diarsip saka sing asli ing 15 February 2015. Dibukak ing 24 April 2017.
- ↑ Jawa Timuran, dijupuk 15 Feb 2015
- ↑ Amazon.com, dijupuk 15 Feb 2015
- ↑ ISBN, dijupuk 15 Feb 2015
- ↑ Indonesia Film Center dijupuk 24 April 2017
| Artikel iki minangka artikel rintisan. Kowé bisa ngéwangi Wikipédia ngembangaké. |