Sabar Gorky (lair ing Solo, 9 September 1968) yaiku pendaki Indonesia kang nduweni kekurangan yaiku tunadaksa.^[1] Sabar Gorky mung nduweni kaki kiwa. Sabar Gorky nduweni nama asli Sabar, déné Gorky niku julukan kang disematake amarga dhèwèké pendaki tunadaksa pertama Asia kang bisa tekan muncak gunung Elbrus ing Ruslan, ketinggian 5.642 mdpl ing 17 Agustus 2011. Sabar Gorky yaiku wong kang sabar lan ora gampang nyerah, dhèwèké bangkit terus sanadyan mung nduweni siji kaki. Gorky seneng munggah gunung saka dhèwèké remaja, Gorky yaiku salah siji pendaki kang bisa dicontoh semangate munggah gunung. Wis akeh gunung kang dipanjat Gorky lan wis akeh pengalaman-pengalaman munggah gunung, Gorky olih akeh prestasi saka hobine munggah gunung.

Kauripan

Sabar Gorky due garwa namane Lenie Indria lan due siji anak yaiku Novalia Eka Satriani. Gorky lulus saka SD Gulon, Solo lan lulusan SMP Purnama 1, Solo. Dhèwèké uga lulusan SMA Wolter Monginsidi, Solo. Ing awal taun 1990 persis ing April jam 2 awan Sabar Gorky kudu nerima kenyaatan amarga dhèwèké ngalami kecelakaan tiba saka sepur, dhèwèké tiba saka sepur ing perjalanan balik Jakarta maring Solo yaiku rampunge munggah gunung Gede Pangrango, Jawa Barat. Kecelakaan iku gawe Gorky kelangan kaki tengene, saka cilik dhèwèké duwe cita-cita dadi tentara nanging cita-citane sirna amarga kecelakaan niku. Akeh ejekan-ejekan saka kanca-kanca maring Gorky, nanging ejekan iku gawe Gorky luwih semangat lan gawe Gorky bangkit kanggo munggah gunung maneh. Sadurunge kecelakaan niku, akeh gunung ing Pulau Jawa kang wis dipanjat Gorky. Sesampune kecelakaan niku uga Gorky tambah sering munggah gunung, pirang wulan sawise kecekelaan Gorky munggah gunung ing Jawa Tengah kaya ta gunung Lawu, gunung Merapi, gunung Merbabu, gunung Sindoro lan gunung Sumbing. Dhèwèké ngrasa sakniki luwih kesel munggah gunung amarga dhèwèké ora bisa lumaku cepet lan ora bisa lumayu menawi munggah gunung, nanging iku ora gawe Gorky mandeg munggah gunung. Gorky tetep nikmati saben kegiatan munggah gunung lan dhèwèké ora seneng ngrepoti wong liya, dhèwèké sebisane munggah gunung tanpa bantuan kancane. Gorky pernah ngomong “nyusup wae tak lakoni. Aku semangat saben munggah gunung amarga aku ngrasa dimanusiakna, gunung lan lingkungan iku sing utama,” kalimat iku gawe kanca-kancane Gorky seneng lan kagum maring Gorky.

Sanadyan Gorky difable, dhèwèké wis bisa munggah telung gunung saka pitung gunung paling dhuwur ing taun 2011 kanthi taun 2016. Nanging mung tigang gunung kang wis dhèwèké taklukna, yaiku Gunung Elbrus ing Ruslan kang dhuwure 5.642 mdpl, Gunung Carstensz ing Papua kang dhuwure 4.4884 mdpl, lan Gunung Kilimanjaro ing Tanzania kang dhuwure 5.895 mdpl. Nalika munggah Gunung Elbrus, dhèwèké ngranapi kendala yaiku suhu ing Elbrus nganthi minus 15 derajat Celcius.^[2] Kendala suhu lan cuaca kasebut ora gawe masalah kanggo Gorky, Gorky nganggep kendala iku tantangan lan pengalaman anyar kang kudu dirampungake Gorky. Gorky nduweni pengalaman kang paling kerasa saka jero negeri yaiku nalika dhèwèké munggah Gunung Carstensz ing Pegunungan Jaya Wijaya.

Sakliyani iku, Sabar Gorky uga lunga maring Argentina. Dhèwèké lunga maring “Negeri Tango” iku kagem munggah gunung, Gorky lan wolung kancane saka Indonesia iku ana niat munggah gunung paling dhuwur ing Dunia, Aconcagua. Sanadya duweni kekurangan yaiku mung duweni siji kaki, ora gawe Gorky nyerah, dhèwèké siji-sijine pendaki difable ing rombongan iku. Gunung kang dhuwure 6.962 saka permukaan laut iku bakal dijelajahi ing tempo 20 dina perjalanan munggah lan mudhun gunung. Gunung iki lumayan dhuwur, ekstrem, lan bisa owah cuacane. Perubahan cuacane iku cepet lan ora bisa dikira-kira, bisa panas lan bisa wae badai angin lan atis. Nalika Gorky munggah Aconcagua, dhèwèké kudu luwih kuat amargi ngadepi angin kenceng. Ing Gunung Aconcagua akeh batu-batu kang bisa tiba maring pendaki, medan ing Gunung Aconcagua yaiku saka batu lan salju. Sakliyane munggah gunung, Gorky uga hobi pit-pitan. Saben dina Gorky bisa pit-pitan wiwit jam 4 esuk kanthi jam 6 esuk, kadang jam 12 awan kanthi jam 3 sore. Pit-pitan iku dilakoni Gorky supaya dhèwèké bisa duwe awak kang kebal saka panas lan atis, pit-pitan iku uga dilakoni supaya dhèwèké biasa lan ora gampang kesel nalika munggah gunung.

Ing dina Ahad 12 Agustus 2018, Sabar Gorky maring Ruslan kagem munggah maneh maring Gunung Elbrus. Dhewek mangkat bareng tim Garuda Muda saking Jakarta, pendakian diwiwiti saka Rabu 15 Agustus 2018 nglewati jalur kidul. Gorky lan kanca-kanca ana niat tekan ing puncak tanggal 17 Agustus kagem mringati Hari Kemerdekaan Indonesia. Ing dhuwur puncak, Golky lan kanca-kanca nglakukake upacara peringatan HUT Kemerdekaan RI lajeng ngibarake bendera Merah Putih. Saben gunung kang wis dipanjat Golky, kadang wae dipanjat maneh nanging saka medan utawa basecamp kang beda supaya dhèwèké olih pengalaman anyar. Sakliyane munggah gunung lan dolanan pit, Gorky uga seneng nglakukake dayung. Dayung bisa gawe tangan kuat lan bisa gawe fokus, Gorky latihan dayung supaya menawi dhèwèké ketemu medan kang kudu manjat tebing dhèwèké wis ana sangu utawa wis bisa lan tangane wis kuat. Gorky biasane latihan fisik ing Yogyakarta yaiku ing Pantai Parangriti, Karanglo lan Gunung Lawu. Saka kegiatan-kegiatan munggah gunung lan panjat teping iki, Gorky olih prestasi-prestasi kang mbanggakake awak dhewek, kaluarga lan negara. ^[3]

Prestasi

- Tekan puncak gunung Carstensz kang dhuwure 4.884 mdpl ing Papua, gunung paling dhuwur ing Oseania, 17 Agustus 2015.

- Peringkat papat gedhe dunia ing World Championship Difable Climbing Competition, ing tanggal 12-16 September 2012 ing Bolevard Berci, Paris, Prancis.

- Olih kehormatan kagem dadi pemegang obor ASEAN Paragames VI kang diselenggarakake ing Solo, Jawa Tengah, ing Desember 2011.

- Tekan puncak Gunung Kilimanjaro kang dhuwure 5.895 mdpl, gunung kang paling dhuwur ing Afrika, 13 November 2011.

- Tekan puncak Gunung Elbrus kang dhuwure 5.642, gunung kang paling dhuwur ing Eropa, 17 Agustus 2011.

- Juara medali emas ing Kejuaraan Panjat Dinding Asia ing Chuncheon, Korea Selatan taun 2009.

Rujukan

↑ "Sabar Gorky, Menembus Keterbatasan". m.mediaindonesia.com. Dibukak ing 2019-05-19.
↑ Liputan6.com (2016-11-02). "Journal: Kisah Sabar Gorky Menaklukkan Puncak Tertinggi Dunia". liputan6.com (ing basa Indonesia). Dibukak ing 2019-05-19.
↑ Media, Kompas Cyber. "Dengan Satu Kaki, Sabar Gorky Siap Kembali Taklukkan Gunung Tertinggi di Eropa". KOMPAS.com (ing basa Indonesia). Dibukak ing 2019-05-19.

[1] "Sabar Gorky, Menembus Keterbatasan". m.mediaindonesia.com. Dibukak ing 2019-05-19.

[2] Liputan6.com (2016-11-02). "Journal: Kisah Sabar Gorky Menaklukkan Puncak Tertinggi Dunia". liputan6.com (ing basa Indonesia). Dibukak ing 2019-05-19.

[3] Media, Kompas Cyber. "Dengan Satu Kaki, Sabar Gorky Siap Kembali Taklukkan Gunung Tertinggi di Eropa". KOMPAS.com (ing basa Indonesia). Dibukak ing 2019-05-19.

[1]

[2]

[3]