Remy Silado

Saka Wikipédia Jawa, bauwarna mardika basa Jawa
Jump to navigation Jump to search
Remy Silado
Lair Yapi Panda Abdiel Tambayong, Japi Tambajong
12 Juli 1945
Malino, Makassar, Sulawesi Kidul
Pakaryan Sastrawan, penyair
Obahan Puisi mbeling

Remy Silado ya iku penyair, kondhang amarga puisi mbeling.[1] Dhèwèké lair ana Malino, Makassar, Sulawesi Kidul, ing 12 Juli 1945, kanthi jeneng Yapi Panda Abdiel Tambayong utawa Japi Tambajong.[1][2] Jenenge kerep ditulis nganggo angka 23761, dijipuk saka chord sepisanan lagu All My Loving duweke The Beatles.[1][2] Kabèh babagan seni wis dijajal, saka nulis geguritan, novèl, ésai, nganti naskah lakon; uga seni musik, seni rupa, lan mligi seni téater.[1]

Remy Silado dadi pelopor puisi mbeling taun 1970-an, 'apa waé bisa lan olèh ditulis dadi geguritan, lan sapa waé olèh dadi penyair'.[3] Dhèwèké dadi rédhaktur ana kalawarti Aktuil lan ngurusi rubrik Puisi Mbeling.[3]

Geguritan-geguritané sasuwéné 30 taun diklumpukaké lan diterbitaké kanthi irah-irahan Puisi Mbeling Remy Silado déning Kepustakaan Populer Gramedia taun 2004.[3]

Puisi Mbeling[besut | besut sumber]

Puisi mbeling lair bebarengan karo saya kuwaté konsolidasi pulitik pamaréntah Orde Anyar kang agi waé munggah kuwasa.[3] Surak-surak ana kalangan pulitis lan aktivis pergerakan kang wis kasil olèhé mbabat Orde Lawas isih krasa.[3] Pangarep-arep kang dibotaké ana pamaréntahan anyar ora ninggali rasa kritis kaya ing jaman démonstrasi gedhé taun 1966.[3] Sing metu ya iku usaha bebarengan kanggo nyipta suwasana kondusif lan stabil, ora mung ana puitik, nanging uga sastra.[3]

Kaya kang diujaraké Remy Sylado, gerakan mbeling ya iku perlawanan kang diarahaké ana 2 sasaran.[3] Sepisanan, èstétika geguritan kang kekurung ana pikiran-pikiran konvénsional kang diungkap kanthi kabur lan peteng ana basa kembang-kembang saéngga geguritan kelangan tanggung-jawabé marang kasunyatan.[3] Kapindho, situasi pulitik Orde Anyar kang nyata dibingkai ana gerontokrasi kang salah kaprah kanthi slogan-slogan saka pejah gesang ndhèrèk bapak dadi mikul dhuwur, mendhem jero.[3]

Cathetan suku[besut | besut sumber]

  1. a b c d "Remy Silado dan Puisi Mbeling". jendelasastra.com. 27 December 2013. Dijupuk 14 August 2016. 
  2. a b "Tokoh Banyak Rupa". tokohindonesia.com. 24 February 2012. Dijupuk 14 August 2016. 
  3. a b c d e f g h i j Gaus, Ahmad (15 July 2015). "Remy Silado dan Puisi Mbeling". ahmadgaus.com. Dijupuk 14 August 2016. 

Pranala njaba[besut | besut sumber]