Pulo Saparua

Saka Wikipédia Jawa, bauwarna bébas abasa Jawa
Pulo Saparua

Pulo Saparua inggih punika salah satunggaling pulo ing Indonesia ingkang mapan wonten ing Maluku Tengah, provinsi Maluku. Pulo Saparua inggih punika salah satunggaling saking kalih pulo ageng ingkang mapan wonten ing Kapuloan Lease ing sisih wétan kitha Ambon.[1] Pulo Saparua mapan wonten ing koordinat 3°33'49"S 128°38'58"E.

Daya tarik[besut | besut sumber]

Pulo Saparua gadhah daya kaéndahan alam pasisir ingkang saé saha ing Pulo Saparua punika wonten kisah kepahlawanan Pattimura saha rakyat Saparua nalika perang nglawan penjajah Walanda. Manawi badhé dhateng Pulo Saparua saged saking pelabuhan Tulehu ing Kota Ambon kanthi ngginakaken speed boat dangunipun nyebrang inggih kirang langkung 1 jam tumuju dhateng pelabuhan Haria, inggih punika pelabuhan ingkang mapan ing Saparua. Wonten kathah barang-barang tilaran sajarah ingkang taksih saged dipuntingali déning para wisatawan kados ta Benteng Duurstede ingkang mapan ing Teluk Saparua , tradhisi Obor Pattimura, Sei Sisir, saha Dalemipun Pattimura.[2]

Pulo Saparua kados déné Kepuloan Lease ingkang gadhah perkwis-perkawis ingkang saged damel remening manah, inggih kanthi alam ingkang taksih ijo royo-royo saha bébas saking debu ingkang kathah pating semablur ing Jawa Déné, iklim ingkang wonten ing Pulo Saparua ugi khas, inggih manawi saged mandhap jawah nalika wonten debu ingkang kathah kanthi sering.

Ingkang dados daya tarik sanèsipun ing Pulo Saparua punika inggih bilih kathah désa ingkang mapan wonten ing pulo punika ingkang gadhah Baileo. Baileo inggih punika griya tradhisional kanggé para wisatawan ingkang sami rawuh wonten ing adicara-adicara utawi upacara-upacara adat, lan sapanunggalanipun. Ing wekdal sak punika supados langkung katingal éndah kathah Baileo ingkang dipunrehap utawi dipundandosi, dipundamel kados gambaran griya tua kanthi style tradhisional ingkang dipundamel boten mawi paku. Kala rumiyin, sadèrèngipun Baileo bébas dipunrawuhi para wisatawan.

Ing sakitering désa sisih lor wonten sesawangan dipuntingali inggih kados alas kayu ingkang wiyar sanget, ananging sejatosipun punika panci areal budidaya tanduran kayu tropis, ingkang tuwuh manéka warna jinising wit-witan tropis, kados ta wit kambil, wit sagu, wit kenari, wit pelem, saha jinising wit-witan sanèsipun ingkang tuwuh ing laladan tropis. Saking nginggil désa sisih lor wonten siti genting ingkang alit ingkang tebihipun 20 kilomèter, inggih asring dipunsbat Nusa Ina. Nusa Ina inggih nama tradhisional saking Pulo Seram Besar, ingkang punika pulo paling dawa saha paling ageng ing Pulo Maluku. Nalika cuacanipun saé ing Pulo Seram saking tebih saged dipuntingali pegunungan ingkang dipuntutupi kanthi wit-witan kandel saha gunung-gunung ingkang ketutup awan.

Negeri Adat[besut | besut sumber]

Pulo Saparua gadhah 16 nagari adat utawi ingkang sami tataranipun kaliyan désa saha 2 kampung ingkang sampun mandiri, inggih punika kados makaten:

Cathetan suku[besut | besut sumber]

  1. ^ [1] "Pulau Saparua, pulau Lease" (dipunundhuh tanggal 3 Januari 2013)
  2. ^ [2] Pulau Saparua, Pulau Saksi Kisah Heroik Pattimura (dipunundhuh tanggal 3 Januari 2013)