Primus Yustisio

Saka Wikipédia Jawa, bauwarna mardika basa Jawa
Primus Yustisio
Lair (1977-08-17) Agustus 17, 1977 (umur 46)
Bogor, Jawa Barat, Indonesia
BangsaIndonesia
Pakaryan
Taun aktif1997 - saiki
Dhuwur182 cm (6 ft 0 in)
BojoJihan Fahira (o. 2004)
Anak2
Wong tuwa
  • Eko Sembodo (bapak)
  • Ida Fauziah (ibu)
Primus Yustisio

Primus Yustisio (lair ing Bogor, 17 Agustus 1977; umur 46 taun) ya iku juru main sinétron lan politisi ing Indonesia.[1]

Karier[besut | besut sumber]

Primus Yustisio ngugemi agama Islam lan saka keturunan Iran.[1] Dhèwèké miwiti kariré ing donyaning sinétron wiwit taun 1997.[1] Nanging sinétron kang nggawé jenéngé misuwur ya iku Cinta bareng karo Desy Ratnasari kang ditayangaké ing RCTI.[1] Sinetron-sinétron liyané kang tau dibintangi Primus Yustisio ya iku Kehormatan, Panji Manusia Milenium, Papaku Keren-Keren, Kembar Nanging Béda, Titipan Ilahi, lan Cinta Itu Nggak Buta.[1]

Kabisan akting kang dinduwèni Primus Yustisio dibuktékaké kanthi éntuk penghargaan dadi aktor paling favorit versi Panasonic Award taun 1999[1]. Primus uga dadi bintang ing spot iklan.[1]

Nalika taun 2008, Primus Yustisio mèlu pamilihan Bupati Subang periode 2008 - 2013, dadi kandidat bupati lan maju karo pasangané ya iku Agus Nurani saka kalangan independen.[2] Nalika pamilihan tanggal 26 Oktober 2008 dhèwèké kalah.[2] Sanajan ngono Primus tetep nyalon manèh dadi anggota DPR ing Pemilihan Umum Legislatif 2009 dadi calon kang saka Parté Amanat Nasional kanggo Laladan Pemilihan Jawa Barat IX (kang salah sijiné nyakup Kabupatèn Subang).[2] Ing pamilihan iki Primus Yustisio kapilih.[2]

Kauripan pribadi[besut | besut sumber]

Anak pasangan Eko Sembodo lan Ida Fauziah iki tau pacaran karo artis kang jenéngé Nafa Urbach.[3] Dhèwèké pacaran kurang luwih patang taun ya iku wiwit taun 1997 nganti 2001.[3] Nanging pungkasané Primus milih Jihan Fahira dadi pacangané kang dinikahi nalika tanggal 17 September 2004 sawisé pacaran suwéné rong taun.[3] Primus Yustisio nduwé hobi bal-balan lan gym kanggo kaséhatan awaké.[3] Saka pernikahané karo Jihan Fahira, Primus Yustisio nduwé anak kang jenenge Lana Devina Yustisio, kang lair nalika tanggal 26 Juli 2006.[3] Sawisé iku Primus banjur duwé anak kang nomer loro kang jenéngé Muhammad Yustisio kang lair tanggal 13 April 2008.[3] Primus Yustisio uga nduwé anak wadon saka Jihan Fahira, anak kang nomer telu iki lair tanggal 17 November 2010.[3]

Pranala njaba[besut | besut sumber]

Cathetan suku[besut | besut sumber]

  1. a b c d e f g Rahasia Primus Yustisio Jaga Kebugaran kapanlagi.com(dipunundhuh tanggal 6 Juli 2011)
  2. a b c d Primus Lolos Verifikasi Calon Bupati Subang.Tempo Interaktif. Edisi 30 Juli 2008.
  3. a b c d e f g detikhot.com(dipunundhuh tanggal 6 Juli 2011)