Phoenix

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
rasi lintang phoenix
PHEONIX

Peta Pheonix
Cekakan Phe
Genitif Pheonicis
Asensio rekta 0
Deklinasi −50
Area 469 derajad pesagi (#37th)
Lintang utama 4
Lintang
Bayer/Flamsteed
25
Lintang
mawa planèt
5
Lintang padhang 1
Lintang cedhak 1
Lintang paling padhang α Phe (Ankaa) (2.40m)
Lintang paling cedhak Gliese 915 ( tc)
Obyèk Messier 0
Udan météor Phoenicids
Rasi lintang
sing wewatesan
Katon antara lintang +32° lan −80°.
Katon paling cetha ing wektu 21.00 jroning sasi November.
'

Phoenix inggih punika satunggaling rasi lintang ingkang alit ingkang mapan wonten ing belahan langit sisih kidul. Nama punika medal sasampunipun wonten mitos Phoenix ingakng minangka manuk mistik. Rasi lintang phoenix punika ambanipun mbentang saking deklinasi −39° ngantos−57°, lan saking 3,5h ngantos 2,5h wonten ing titik minggah ingkang leres.

Titikanipun[sunting | besut sumber]

Phoenix inggih punika satunggaling rasi lintang minoritas ingkang dipunkiteri déning konstelasi Fornax lan Sculptor wonten ing sisih lor, konstelasi Grus wonten ing sisih kulon, Tucana wonten ing sisih kidul, ingkang ngenani pojokanipun rasi lintang Hydrus wonten ing sisih kidul, lan rasi lintang Eridanus wonten ing sisih kidul radi wetan. Lintang ingkang paling padhang, inggih punika Achenar inggih caket ing rasi punika papanipun.[1] Tigang aksra kangge nyekak nama rasi llintang punika ingkang dipunpendhet saking International Astronomical Union ing taun 1922, inggih punika 'Phe'.[2] Wates- watesanipun rasi lintang punika kanthi resmi dipundamel déning Eugène Delporte ing taun 1930, ingkang nggambaraken wujud poligon kanthi 10 segmen. Wonten ing sistem koordinat equator, titik koordinat pas bagéyan minggahipun ingkang wonten ing sakiteripun inggih punika ing antawisipun 23j 26.5m lan 02j 25.0m, kanthi titik koordinat deklinasinipun ing antawisipun −39.31° lan −57.84°.[3] Punika ateges, rasi lintang punika saged dipuntingali déning saben tiyang ingkang dumunung wonten ing laladan ing sak nginggiling bujur 40 ing belahan bumi sisih lor. Rasi lintang punika saged gampil dipuntingali saking Australia lan Afrika Selatan ing belahan bumi sisih kidul nalika musim panas.[4]

Lintang - lintang[sunting | besut sumber]

Satunggaling garis kurva lintang - lintang ing rasi lintang punika ngewrat saperangan lintang kados ta Alpha, Kappa, Mu, Beta, Nu lan Gamma Phoenicis ingkang ketingal minangka satunggali kapal boat' déning tiyang Arab kuno.[5] Rasi lintang Phoenix gadhah area ingkang ambanipun kirang langkung 469 drajat peregi ingkang ngewrat enem lintang ingkang dipunmangertosi minangka planet - planet. Rasi lintang punika paling sae dipuntingali wonten ing garis lintang ing antawisipun +32° lan -90°, ing jam 9 dalu ing sadangunipun sasi Nopember. Phoenix namung gadhah kalih lintang ingkang gadhah padhang langkung saking 5,0 magnitudo. Alpha Phoenicis utawi ingkang dipunsebat ugi Ankaa inggih punika satunggaling lintang raksasa werna oranye ingkang tebihipun kirang langkung 80 taun cahya. Lintang punika ugi misuwr kanthi sebatan Nair al - Zaurak. Beta Phoenics lan gamma Phoenicis inggih kekalihipun kalebet variabel raksasa, ingkang tebihipun ping tiga langkung tebih tinimbang Ankaa. Zeta Phoenicis inggih punika sistem lintang elips binar, ingkang kalebet tipe variabel Algol, ingkang tebihipun kirang langkung 280 taun cahya. Nu Phoenicis inggih punika lintang ingkang radi meh sami kaliyan srengenge. Phoenix taksih kalebet kulawarga rasi lintang Johann Bayer, sesarengan kaliyan rasi lintang Hydrus, Dorado, Volans, Apus, Pavo, Grus, Tucana, Indus, Chamaeleon lan Musca. Rasi lintang sanesipun ingkang wonten ing sakitering rasi lintang Phoenix inggih punika rasi lintang Sculptor, Tucana, Grus, Hydrus, Eridanus lan Fornax.[6]

Cathetan Suku[sunting | besut sumber]

  1. ^ Klepešta, Josef; Rükl, Antonín (1974) [1969]. Constellations. Hamlyn. pp. 214–15. ISBN 0-600-00893-2.  Cite uses deprecated parameter |coauthors= (help)
  2. ^ Russell, Henry Norris (1922). "The new international symbols for the constellations". Popular Astronomy 30: 469. Bibcode:1922PA.....30..469R. 
  3. ^ Cithakan:Cite document
  4. ^ The Deep Photographic Guide to the Constellations: Phoenix
  5. ^ Allen, Richard Hinckley, (1963) [1899]. Star Names: Their Lore and Meaning (rep. ed.). New York, NY: Dover Publications Inc. pp. 335–36. ISBN 0-486-21079-0. 
  6. ^ (en)Phoenix (dipunundhuh tanggal 14 Pebruari 2013)

Cithakan:88 rasi lintang modhern

Sumber artikel punika saking kaca situs web: "https://jv.wikipedia.org/w/index.php?title=Phoenix&oldid=1015498"