Pavo

Saka Wikipédia Jawa, bauwarna mardika basa Jawa
Jump to navigation Jump to search
PAVO

Peta Pavo
Cekakan Pav
Genitif Pavonis
Asensio rekta 20
Deklinasi −65
Area 378 derajad pesagi (#44th)
Lintang utama 7
Lintang
Bayer/Flamsteed
24
Lintang
mawa planèt
5
Lintang padhang 1
Lintang cedhak 4
Lintang paling padhang α Pav (Peacock) (1.94m)
Lintang paling cedhak SCR 1845-6357 ( tc)
Obyèk Messier 0
Udan météor Delta Pavonids
Rasi lintang
sing wewatesan
Octans
Apus
Ara
Telescopium
Indus
Katon antara lintang +30° lan −90°.
Katon paling cetha ing wektu 21.00 jroning sasi August.
'

Pavo inggih punika satunggaling rasi lintang ingkang mapan wonten ing belahan langit sisih kidul. Pavo inggih nama Latin saking merak. Rasi lintang punika kalebet salah satunggal saking kalih welas rasi lintang ingkang dipundamel déning Petrus Plancius saking asailing observasi Pieter Dirkszoon Keyser lan Frederick de Houtman, lan rasi punika sepisanan dipuntepangaken kanthi diameter 35 cm wonten ing peta globe langit ing taun 1597 utawi 1598 ing Amsterdam déning Plancius sesarengan kaliyan Joducas Hondius. Déné ingkang sepisanan nggambaraken rasi lintang punika wonten ing atlas langit ing Uranometria Johann Bayer ing taun 1603.[1] Rasi lintang punika inggih kalebet wonten ing 88 rasi lintang modhern ingkang dipundhaptar déning International Astronomical Union.

Sajarah lan Mitos[besut | besut sumber]

Mitos Merak wonten ing wekdal Greco-Roman lan dhedhasar cariyosipun Jason lan Argonauts. Argo inggih punika nama ingkang nyipta, Argos, ingkang dipunéwah-éwahi dados satunggaling manuk merak wonten ing mitos Juno sasampunipun piyambakipun tilar dunya lajeng dipunkurmati kanthi kekal minangka satunggaling rasi lintang. Piyambakipun dipunpapanaken wonten ing rasi lintang caket kaliyan rasi Argo NAvis ingkang makili rasi lintang Argo.[1]

Lintang-lintang[besut | besut sumber]

Rasi lintang Pavo gadhah area ingkang ambanipun kirang langkung 378 drajat persegi ingkang sekawan lintang ingkang dipunmangertosi minangka planit-planit. Rasi lintang punika paling saé dipuntingali wonten ing garis lintang ing antawisipun +90° lan-60°, ing jam 9 dalu ing sadangunipun sasi Agustus. Lintang ingkang paling padhang wonten ing Persus inggih punika lintang alpha Pavonis inggih punika satungaling lintang binar spektroskopik ingkang ugi dipunmangertosi minangka satunggaling merak, ingkang namanipun pikantuk ing taun 1930.[2] Delta Pavonis inggih punika lintang sanèsipun ingkang kelebet sub raksasa ingkang maleh dados raksasa abrit, ingkang mapan tebihipun 19,9 taun cahya. Lintang punika meh sami kaliyan srengéngé. Phi-2 Pavonis inggih punika lintang sanèsipun wonten ing Pavo ingkang meh kados srengéngé. Lintang punika inggih lintang kerdil jene-pethak, ingkang mapan tebihipun kitang langkung 82 taun cahya saking bumi. Gamma Pavonis inggih punika lintang kerdil warna jene ingkang langkung padhang tinimbang srengéngé, ingkang mapan tebihipun 30,1 taun cahya. Rasi lintang pavo boten gadhah kathah objek langit lebet. Kluster ingkang namung saged dpuntingali kanthi mripat langsung inggih punika NGC 6852, ingkang papanipun caket kaliyan alpha Pavonis, ingkang tebihipun 20.000 taun cahya.

Pavo taksih kalebet kulawarga rasi lintang Johann Bayer, sesarengan kaliyan rasi lintang Hydrus, Dorado, Volans, Apus, Grus, Phoenix, Tucana, Indus, Chamaeleon lan Musca. Rasi lintang sanèsipun ingkang wonten ing sakitering rasi lintang Pegasus inggih punika rasi lintang Octans, Apus, Ara, Telescopium lan Indus.[3]

Cathetan suku[besut | besut sumber]

  1. a b Staal 1988, k. 255.
  2. The Deep Photographic Guide to the Constellations: Pegasus
  3. Pavo (dipunundhuh tanggal 14 Pebruari 2013)

Cithakan:88 rasi lintang modhern