O'ong Maryono
Sumaryono (lair ing Bandawasa, Jawa Wétan, 28 Juni 1953 – pati ing Singapura, 20 Maret 2013 ing umur 59 taun), kang kondhang minangka nama O'ong Maryono, ya iku pakar lan peneliti seni béla dhiri Pencak Silat saka Indonésia.[1]
Ing umur 9 taun O'ong wiwit sinau béla dhiri Madura, Bawéan, lan Kuntao ing Bandawasa, lan ing taun 1973 piyambakipun pisanan juwara saka kajuwaraan pencak sak Kabupatèn Bandawasa. Lajeng piyambakipun pindhah dhateng Jakarta lan sinau èlmu béla dhiri liyané, kaya ta Karaté, Judo, Aikido, Jujutsu, lan Taékwondo, kajaba èsih gladhèn silat ing paguron KPS Nusantara. Panjenenganipun dados juwara donya ing pencak silat kelas bébas ing Invitasi Internasional angka 1 (1982) lan angka 2 (1984), sarta juwara pisanan ing kelas padha ing SEA Games XVI (1987) ing Jakarta. Liyané kuwi, antarané 1982-1985 O'ong uga njupuk pérangan ing kompetisi taékwondo nasional lan dadi juwara ing kelas abot.[1]
O'ong lajeng dadi pelatih silat ing warna-warna nagara, kalebu Brunéi Darussalam, Walanda, Pilipina, lan Thailand, uga mèlu ing sawatara filem-filem Indonésia kanthi téma béla dhiri, kaya ta Tutur Tinular, Saur Sepuh, lan Jaka Swara. Panjenenganipun nyerat artikel ing warna-warna aspèk seni pencak lan béla dhiri ing sakperangan média lan jurnal. Ing taun 1998, piyambakipun nerbitaken buku kanthi judhul Pencak Silat Merentang Waktu, sing dijarwakaké ing Basa Inggris taun 2002 dadi Pencak Silat in the Indonesian Archipelago. Buku-buku iku asring dadi bahan rujukan kanggo para peneliti silat saka Indonésia lan saka manca nagara. Panjenenganipun ugi saged njabat minangka sesambungan (humas) menyang Féderasi Pencak Silat Internasional (PERSILAT).[1]
O'ong Maryono sèda ing Rumah Sakit Mount Elizabeth, Singapura, amarga kanker; lan ninggal rabi anama Rosalia Sciortino.[1]
Réferènsi
[besut | besut sumber]- ↑ a b c d Jawa Pos, Radar Jember (28 April 2013). "Mengenang O'ong Maryono, Pesilat Dunia Yang Santun". kc. 29/35. Kutip ulang: Info Bondowoso. Dibukak ing 4 July 2015.