Taékwondho

Saka Wikipédia Jawa, bauwarna mardika basa Jawa
Taékwondho

Tetandhingan Taékwondho kanthi regulasi WTF
Nama sanés Taekwon-Do, Tae Kwon-Do, Tae Kwon Do
Fokus Kicking/Tendhangan
Saking negeri Cithakan:Country data Koréa
Olahraga Olimpiade awit taun 2000 (kanthi regulasi/aturan WTF)
Taékwondho
Hangul 태권도
Hanja 跆拳道
Alih aksara
Anyar
Taegwondo
McCune-
Reischauer
T'aekwŏndo

Taékwondho (saged ugi dipunwaos Taé Kwon Dho, Taékwon-Dho), inggih punika ulah raga béla dhiri saking Koréa ingkang ugi misuwur ing Indonésia.[1] Ulah raga punika kalebet ulah raga nasional Koréa.[1] Ulah raga punika kalebet seni béla dhiri ingkang kathah piyambak dipunminati ing donya lan ugi dipuntandhingaken ing Olimpiade.[1] Wonten ing basa Koréa, Taé tegesipun nendhang nganggé sikil utawi samparan, lan Kwon ingkang tegesipun tinju, lan Dho ingkang tegesipun seni.[1] Dados, Taékwondho saged dipunmaknani seni samparan lan asta.[1] Popularitasipun taékwondho saged damel seni punika ngrembaka lan ngembang wonten ing pinten-pinten wujud.[1] Kados seni béla dhiri sanèsipun, taékwondho punika gabungan saking téknik gelut, béla dhiri, ulah raga, hiburan, lan filsafat.[1] Taékwondho ingkang sapunika wonten, gadhah sajarah ingkang panjang kados sajarah nagari asalipun, Koréa.[2] Sesebatan taékwondho nembé wonten awit taun 1954.[2] Taékwondho punika kalebet modhifikasi lan asil panyempurnaan saking béla dhiri tradhisional Koréa.[2]

Tigang Materi Latian Taékwondho[besut | besut sumber]

  • Poomse utawi pinten-pinten jurus lan téknik dhasar nyerang lan pertahanan dhiri ingkang dipunlakasanakaken nglawan mungsuh sing imajinér utawi boten tenanan kanthi ngetuti dhiagram tartemtu.[3]
  • Kyukpa utawi téknik ngremukaken wewujudan sing atos kados watu, kayu, genthèng lan sanèsipun.[3]
  • Kyoruki utawi gladhèn gelut kanggé mraktekaken téknik obahan dhasar utawi poomse. Wonten ing materi punika maragakaken téknik serangan lan pertahanan dhiri antawisipun tiyang kalih.[3]

Pranala njawi[besut | besut sumber]

Cathetan suku[besut | besut sumber]

  1. a b c d e f g Taekwondo Basic(dipunundhuh tanggal 10 Juni 2011)
  2. a b c Tentang Taekwondo Archived 2011-06-25 at the Wayback Machine.(dipunundhuh tanggal 10 Juni 2011)
  3. a b c Taekwondho(dipunundhuh tanggal 10 Juni 2011)