Isa

Isa (basa Arab:عيسى, `Īsā) (watara 1 - 32M) diangkat dadi nabi kanggo nyiarake/nyebarake agama marang kaum Bani Israil. Inti ajaran kang digawa dening Nabi Isa padha karo ajaran Islam saiki yaiku mung nyembah 1 gusti, yaiku Allah. Kitab kang mudhun kanggo panjenengane yaiku Injil. Nabi Isa as nduweni shahabat/murid cerak kang misuwur kanthi jeneng Al-Hawariyyun kang cacahe 12 wong. Nabi Isa as dioyak-oyak dening prajurit keratone Herodes kang banget kejem. Pungkasane Nabi Isa as bisa kapikut amarga pitulungane Yahuda, shahabate Nabi Isa as kang malik tingal saka panjenengane. Amarga pitulungane Allah mula Nabi Isa as dislametake lan diangkat menyang langit ing umur 33 taun.

Menara Isa ing Masjid Agung Umayyah, pinercaya minangka papan tumurune Kanjeng Nabi Isa mbesuk ing dina kiyamat, dumunung ing Kutha Damaskus, Suriah

Babagan kerasulan Nabi Isa as, iki dingendikakake dening Allah Swt:

"Al-Masih putrane Maryam iku mung Rasul. Sadurunge uga wis kliwat sawetara rasul. Lan ibune iku wong kang gocekan raket marang bebener..." (QS Al-Maidah:75)

Sejarahe

Sadurungé Allah nyiptakaké Isa, Allah ngutus malaékat Jibril awujud manungsa marang Maryam. Ing wektu iku Maryam ing pinggir etan omahé dhewéan. Pas weruh ana Malaékat Jibril Maryam langsung nyuwun tulung dhateng Allah supaya malaékat Jibril ngedohb saka dhèwèké. Banjur malaékat Jibril wangsuli, yèn dhèwèké iku utusaning Allah marang Maryam supaya bisa duwé putra lanang sing mengko dadi Nabi.

Pranala njaba

• Yesus anak Maryam - Seorang pesuruh Allah