Musiyum Batik Yogyakarta

Aksara Latin

Koordhinat: 7°47′45″S 110°22′39″E / 7.7957241°S 110.3774587°E / -7.7957241; 110.3774587

Musiyum Bathik Yogyakarta punika mapan wonten ing Jl. Dr. Sutomo No. 13 A Yogyakarta. Musiyum punika dipunyasa nalika tanggal 12 Mèi 1977 kanthi prakarsanipun kulawarga Hadi Nugroho. Ingkang paring motivasi déning kulawarga Hadi Nugroho punika awit taksih wontenipun kawigatosan masarakat saha wisataman manca dhateng bathik. Dipunpurwakani saking kulawarga piyambak dumugi tiyang sepuhipun dumugi génerasi salajengipun Hadi Nugroho ^[1]^[2].

Kolèksi

Kolèksi bathik ingkang wonten ing musiyum punika pepak sanget. Mawarni-warni bathik saking laladan-laladan ing Indonésia kados ta Bathik Yogyakarta, Indramayu, ugi laladan ingkang gadhah pangrajin bathik Indonésia. Kolèksinipun kados ta kain dawa, sarung, lan sanès-sanèsipun ingkang sapunika kolèksinipun sampun dumugi 400 lembar kain kaliyan piranti kanggé mbathik. Kolèksi ingkang paling sepuh inggih punika bathik damelan taun 1700an. Kajawi kolèksi bathik, Wonten ing Musiyum Bathik punika nyimpen kolèksi sulaman tangan. Kolèksi sulaman tangan manéka warni. Musiyum punika naté pikantuk panghargaan saking MURI (Musiyum Rékor Indonésia) awit karya sulaman paling ageng, inggih punika bathik kanthi ukuran 90 x 400 cm². Salajengipun pikantuk panghargaan malih saking lembaga ingkang sami awit pramakarsa madegipun Musiyum Sulaman kaping satunggal ing Indonésia ^[3].

Motif saking bathik-bathik ing Musiyum Bathik Yogyakarta punika manéka warna, punika motif ingkang kathah piyambak kados ta motif pasisiran, motif pinggiran, motif terang bulan, lan motif ésuk sore.

Kolèksi sanès ingkang kawéntar ugi inggih punika:

Kain Panjang Soga Jawa (1950-1960)
Kain Panjang Soga Ergan Lama
Sarung Isèn-isèn Antik (1880-1960)
Sarung Isèn-isèn Antik kelengan (1880-1890) damelanipun Nyonya Walanda EV. Zeuylen saking Pekalongan
Sarung Panjang Soga Jawa (1920-1930) damelanipun Nyonya Lie Djing Kiem saking Yogyakarta

Sedaya kolèksi ingkang wonten ing musiyum punika pikantuk saking kulawarga ingkang madegaken Musiyum Bathik Yogyakarta. Kolèksi ingkang paling sepuh punika awujud bathik damelan taun 1840 ^[3]. Kajawi punika wonten atusan kolèksi sanèsipun ingkang kalebet asiling karya ingkang gadhah musiyum punika. Ing antawisipun sulaman gambar Présidhèn Républik Indonésia kapisan Ir. Soekarno, mantan Présidhèn Soeharto, Mégawati Soekarno Putri, lan Sri Sultan Hamengkubuwono IX. Wonten ugi potrèt praupanipun pahlawan Tuanku Imam Bonjol lan Pangéran Diponegoro. Wonten ing Musiyum Bathik Yogyakarta ugi wonten sulaman praupan Paus Yohanes paulus II lan Ibu Térésa saking India ^[4].

Pangelola

Sapuniki musiyum bathik punika dipunkelola déning Ibu Déwi Sukaningsih utawi langkung akrab dipuntimbali Oma Déwi. Oma Déwi punika ingkang damel sulaman tangan amargi katon urip kaliyan aslinipun.

Acara Rutin

Kagiyatan ingkang rutin wonten ing musiyum punika inggih punika paméran ingkang dipunbikak saben dinten Senèn dumugi Setu wonten tabuh 09.00-15.00 WIB. Manawi nembé beja ingkang dugi saged mirsani prosès ndamel bathik tulis ing musiyum punika.

Cathetan suku

↑ [1]^{[pranala mati permanèn]}, Musiyum Bathik Yogyakarta (dipunakses tanggal 01 Oktober 2012)
↑ [2]^{[pranala mati permanèn]}, http://www.muséumbatikyogyakarta.com/^{[pranala mati permanèn]} (dipunakses tanggal 27 November 2012)
↑ ^a ^b [3] Archived 2012-12-16 at the Wayback Machine., (id) http://jogjatrip.com Archived 2012-12-06 at the Wayback Machine. (dipun-akses tanggal 27 November 2012)
↑ [4]^{[pranala mati permanèn]}, (id) http://www.iftfishing.com Archived 2023-02-14 at the Wayback Machine. (dipun-akses tanggal 27 November 2012)

[internet1-1] [1]^{[pranala mati permanèn]}, Musiyum Bathik Yogyakarta (dipunakses tanggal 01 Oktober 2012)

[internet2-2] [2]^{[pranala mati permanèn]}, http://www.muséumbatikyogyakarta.com/^{[pranala mati permanèn]} (dipunakses tanggal 27 November 2012)

[internet3-3] [3] Archived 2012-12-16 at the Wayback Machine., (id) http://jogjatrip.com Archived 2012-12-06 at the Wayback Machine. (dipun-akses tanggal 27 November 2012)

[internet4-4] [4]^{[pranala mati permanèn]}, (id) http://www.iftfishing.com Archived 2023-02-14 at the Wayback Machine. (dipun-akses tanggal 27 November 2012)

[1]

[2]

[3]

[4]