Kidang

Kidang utawa muncak
Klasifikasi ngèlmiah
Karajan:	Animalia
Filum:	Chordata
Klas:	Mammalia
Ordho:	Artiodactyla
Subordho:	Ruminantia
Famili:	Cervidae
Subfamili:	Muntiacinae
Génus:	Muntiacus Rafinesque, 1815

Kidang (Basa Indonesia: kijang), utawa muncak iku kéwan sajinis menjangan kang kagabung sajeroning génus Muntiacus. Kidang asal saka Donya lawas lan dianggep jinis menjangan tuwa dhéwé, wis ana wiwit 15-35 yuta taun kapungkur, kanthi sisa-sisa saka mangsa Miosen tinemu ing Prancis lan Jerman.

Ing mangsa saiki, muncak mung bisa tinemu ing Asia Kidul lan Asia Kidul-wétan, wiwit saka India, Srilangka, Indocina, nganti kapuloan Nusantara. Sawetara jinis diintroduksi ing Inggris lan saiki akèh tinemu ing kana.

Kidang ora ngenal mangsa utawa usum kawin lan bisa kawin kapan waé, nanging perilaku mangsa kawin muncul yèn kidang digawa menyang laladan kanthi iklim sedheng. Kidang lanang duwé sungu cendhak kang bisa tuwuh yèn tugel.

Kéwan iki saiki narik kawigatèn panelitèn evolusi molekular amarga duwé variasi cacah kromosom kang dramatis lan tinemu sawatara jinis anyar (mligi ing Indocina).

Jinis-jinisé:

• Muntiacus muntjak, Kidang biyasa
• Muntiacus reevesi, Kidang Reeve, diintroduksi menyang Inggris
• Muntiacus crinifrons, Kidang ireng
• Muntiacus feae
• Muntiacus atherodes, Kidang kaemasan Kalimantan
• Muntiacus rooseveltorum
• Muntiacus gongshanensis
• Muntiacus vuquangensis, Kidang raseksa Vietnam
• Muntiacus truongsonensis
• Muntiacus putaoensis

Rujukan

• The Ecology of the Reeves Muntjac

Pranala njaba

• Ekologi Reeves Muntjac