Mathieu Kérékou

Saka Wikipédia Jawa, bauwarna mardika basa Jawa
Jump to navigation Jump to search
Mathieu Kérékou
Mathieu Kérékou 2006Feb10.JPG
Présidhèn Républik Rakyat Benin
Linggih
26 Oktober 1972 – 4 April 1991
Kang ndhisiki Justin Ahomadégbé-Tomêtin
Kang nggantèni Nicéphore Soglo
Présidhèn Benin
Linggih
4 April 1996 – 6 April 2006
Kang ndhisiki Nicéphore Soglo
Kang nggantèni Yayi Boni
Rerincèn dhiri
Lair (1933-09-02) Sèptèmber 2, 1933 (umur 85)
Kouarfa, Dahomey (kini Benin)
Parté pulitik PRPB (1975-1990)
Agama Kristen Injili

Mathieu Kérékou ugi naté dipuntepungi minangka Ahmed Kérékou (miyos 2 September 1933[1]-séda 14 Oktober 2015) inggih punika Présidhèn Dahomey/Benin wonten ing masa diktator militèr wonten ing periode 1972-1991. Piyambakipun njabat malih dados Présidhèn lumantar pemilu ingkang dhémokratis kanggé masa kalungguhan 1996-2001. Yayi Boni nggantosaken posisinipun minangka présidhèn nalika tanggal 6 April 2006.

Sasampunipun sinau wonten ing sekolah militèr wonten ing Mali lan Senegal Kérékou dinas wonten ing militèr, lan dumugi pangkat mayor. Piyambakipun ngrebut kakuwasan wonten ing Benin lumantar sawijining kudeta militèr nalika tanggal 26 Oktober 1972 lan ngangkat dhirinipun minangka présidhèn. Wonten ing November 1974 piyambakipun nindakaken nasionalisasi bank-bank lan indhustri lenga, sarta mbiwarakaken nagaranipun dados nagara Marxis-Leninis. Piyambakipun ugi nggantos nama nagaranipun saking Dahomey dados Benin nalika tanggal 1 Dhésèmber 1975. Tanggal 28 September 1980, Kérékou mlebet agaman Islam lan nggantos namanipundados Ahmed,[2] nanging ing pungksana piyambakipun wiwit migunakaken nama Mathieu malih, ugi piyambakipun ngaku dados sawijining tiyang Kristen ingkang miyos ènggal.[3]

Kérékou inggih punika diktator kapisanan Afrika ingkang ngidinaken prosès dhémokratisasi wonten ing nagaranipun, parténipun, Parté Revolusioner Rakyat Benin (Parti de la révolution populaire du Bénin, PRPB), nolak Marxisme wonten ing taun 1990. Pilihan umum multi-parté dipunidinaken kalangsung nalika taun 1991, ingkang njalari Kérékou asor, amargi piyambakipun namung pikantuk swanten 32%, kirang saking sepalih saking swanten ingkang kakempalaken déning bekas Mahamantri Nicéphore Soglo. Wonten ing pemilu 1996 Kérékou ngasoraken Soglo wonten ing puteran kaping kalih lan mendhet malih kalungguhan kapresidenan malih. Piyambakipun kapilih malih kanggé masa kalungguhan 5 taun kaping kalih nalika Maret 2001. Wiwit punika kaungkap bilih parusahan Amérika Titan maringi béya kanggé pamilihanipun malih. Bab punika njalari kampanye pamilihanipun dipunpitakenaken malih keabsahanipun.

Wonten ing masa jabatannya ingkang kaping kalih, pamarèntahanipun mendhet kabijakan èkonomi liberal. Masa punika ugi dipuntandhani dénng ndherekipun Benin wonten ing ing misi pemeliharaan perdamaian ing nagara-nagara Afrika sanèsipun. Konstitusi Benin nglarang Kérékou ndhèrèk malih wonten ing pilihan umum Maret 2006, amargi yuswanipun sampung langkung saking wates 70 taun. Konstitusi ugi nglarang piyambakipun nyalonaken dhiri ingkang kaping 3. Kérékou naté ngendika bilih piyambakipun boten kapingin konstitusi dipunéwahi.[4]

Wonten ing 5 Maret 2006, para pemilih tindak dhateng bilik suara saperlu milih sinten ingkang nggantosaken Kérékou minangka Présidhèn Benin. Pemilu punika kamenangaken déning Yayi Boni amargipiyambakipun saged kasil ngasoraken Adrien Houngbédji wonten ing kalih puteran.

Cathetan suku[besut | besut sumber]


Sing mengku  sadurungé:
Nicéphore Soglo
Présidhèn Benin
4 April 19966 April 2006
Diganti déning:
Yayi Boni
Sing mengku  sadurungé:
Justin Ahomadegbé-Tomêtin
Présidhèn Benin
26 Oktober 19724 April 1991
Diganti déning:
Nicéphore Soglo