Louis XVII saka Perancis
| Louis XVII | |||||
|---|---|---|---|---|---|
| Raja Prancis lan Navarre | |||||
 Louis nalika taun 1792, dilukis déning Alexander Kucharsky | |||||
| Panjenengan | 21 Januari 1793 – 8 Juni 1795 (klaim) | ||||
| Leluhur | Louis XVI saka Prancis | ||||
| Panerus | Napoleon I de facto taun 1804 Louis XVIII de jure taun 1814 | ||||
| |||||
| Wangsa | Dinasti Bourbon | ||||
| Bapa | Louis XVI saka Prancis | ||||
| Ibu | Marie Antoinette | ||||
Louis XVII (1785-1795) ya iku anak kapindho saka Louis XVI lan Marie Antoinette, lan dikenal minangka jeneng "dauphin ilang" amarga kabar babagan uripé nyebar amba sawisé Révolusi.[1]
Nalika Révolusi Prancis, Pangéran Louis dikunjarakaké bebarengan karo wong tuwané.[2] Minangka anak barep kang isih urip, dhèwèké diangkat minangka Raja Prancis nalika 28 Januari 1793 déning pakliké ya iku Louis-Stanislas-Xavier, kang déwéan sajeroning pengasingan ing Hamm, cepaké Dortmund, Jerman.[2] Pratélan mau ora duwé kekuasaan amarga Prancis wektu iku wujud salah sijiné republik.[2] Nanging wektu Prancis lan Éropah nampa Louis-Stanislas-Xavier minangka Louis XVIII saka Prancis nalika taun 1815, pawèwèhan angkané nuduhaké diakuiné hak-hak Louis XVII.[2]
Nalika kulawarga kraton dikunjara, Louis XVII dipisahaké saka ibuné lan lan sadulur-seduluré taun 1793 kanggo ngindari upaya pambébasan kang dilakokaké pendhukung kraton.[2] Dhèwèké mati nalika Juni 1795 ing kunjara.[2] Sacara resmi dhèwèké dilaporaké mati akibat lelara kang saiki dikenal minangka tuberkulosa.[2] Jumbuh karo tradisi kraton, jantungé ditokaké déning dhokter lan diawètaké sajeroning alkohol.[2] Awaké dikubur sajeroning pasaréan umum.[2]
Sawisé matiné Louis XVII akèh wong kang ngaku minangka Louis Charles nanging ora ana kang pernah bisa dibuktèkaké.[2] Nalika taun 2000 dianakaké tès DNA kanti gunakaké jantung Louis, conto rambut saka Marie Antoinette, adiné Johanna Maria Gabriela lan Maria Josepha, ibuné Maria Theresa, lan DNA saka 2 keturunan kang isih urip Maria Theresa, Ratu Anne saka Rumania lan adiné, Pangéran André de Bourbon Parme.[2] Tès DNA kang dilakokaké ya iku yèn DNA mitokondria lan hasilé mbuktèkaké yèn jantung iku bener-bener duwén Louis XVII.[2]
Jantung Louis saiki mapan ana ing salah sijiné guci pérak ing Saint-Denis Baslique cepaké Paris, ing ngendi para Raja Prancis dikubur, kalebu wong tuwané Louis XVII, Raja Louis XVI lan Marie Antoinette.[2]
Misteri Matiné Louis XVII
[besut | besut sumber]Sakwéné pirang-pirang taun akèh laporan lan téyori babagan Raja Louis XVII (Pangéran Louis-Charles), bocah enom saka Raja Louis XVI lan Ratu Marie Antoinette saka Prancis.[3] Jantung kang entes waé ditès diyakini déning pira-pira pawongan yèn iku duwéné raja enom Louis XVII, kang DNA-né wis diuji lan saiki akèh kang percaya yèn Louis mati ing kunjara.[2] Nanging awak kang dianggep Louis mau luwih tuwa lan luwih dhuwur katimbang Louis kang sebeneré.[2]
Sebagiyan wong ana sing percaya yèn Louis suwéné ana ing kunjara digantèni déning pawongan liya lan jantung kang ditès DNA-né iku duwéné seduluré ya iku Pangéran Louis-Joseph (1781-1789) kang mati nalika isih bocah lan umuré nembé 7 taun.[2]
Louis Palsu
[besut | besut sumber]Karl Wilhelm Naundorff
[besut | besut sumber]Ya iku pawongan tukang gawé jam lan arloji saka Jerman kang nganti matiné kekeh ngaku minangka Pangéran Louis-Charles (Louis XVII).[4] Naundorff ya iku saka 30 wong kang ngaku miangka Louis XVII.[4]
Pangéran Louis-Charles, anak saka Louis XVI lan Marie Antoinette saka Prancis, dikunjara suwéné Rèvolusi Prancis lan diyakini wis mati ing kunjara.[4] Nanging, ana pira-pira kabar simpatisan monarki duwé semangat yèn Dauphin enom ora ana ing kunjara, ateges dhèwèké ana ing salah sijiné papan panggonan kang dirahasiakaké.[4]
Naundorff ngaku-ngaku yèn dhèwèké ya iku Pangéran lan nganggep mayité digantikaké déning mayit bocah enom kang budheg uga bisu, uga yèn dhèwèké wis diumpetaké ing salah sijiné papan panggoan kang rahasia ya iku Menara Kuil nganti dhèwèké bisa lumayu saka panggonan iku.[4][5] Naundorff uga ngaku-ngaku yèn dhèwèké banjur direbut manèh déning wadyabala Napoleon lan disimpen ing pira-pira dungeons ing sekabèhané Éropah, nganti akhiré lumayu nalika pertengahan umur 20an.[4]
Ucul saka kasunyatan yèn Naundorff ora bisa ngomong Basa Prancis kanti apik, dhèwèké kasil ngeyakinaké mantan anggota pengadilan Louis XVI yèn dhèwèké ya iku Dauphin.[4] Naundorff kayané ngerti sekabèhané babagan kang ngenani pribadhiné saka pengadilan kraton.[4] Nanging Putri Marie-Thérèse, adhiné Pangéran Louis, ora ngakoni Naundorff.[4] Dhèwèké pernah ndeleng foto-foto wong kang ngapusi iki, lan Putri Marie ngrasa yèn tukang apus iki ora ana padhané karo adhiné lan nolak kanggo ndeleng Naundorff.[4] Sanajan dhèwèké pernah ndeleng wong kang ngaku-ngaku liyané, kang ora diwakili déning mantan anggota pengadilan kraton.[4]
Nalika 1836, Naundorff nggugat Marie Thérèse kanggo prabotan kang dinuga duwéné.[4] Kosok waliké, kepulisian Raja Louis-Philippe malah nyekel dhèwèké, njaluk sekabèhané dokumèné lan deportasi marang Inggris.[4] Naundorff mati nalika taun 1845, ing Delft, Walanda.[4]
Leazar Williams
[besut | besut sumber]Wililiam lair nalika taun 1787, dhèwèké digedhèkaké ing Indian Mohawk lan sekolah ana ing sekolah Misionaris.[6] Sawisé sekolah ana kono William diangkat dadi misionaris Protèstan.[6] Kanti kepinterané dhèwèké bisa ditampa déning masarakat Indian nalika awal abad kaping 19.[6] Nalika tanggal 3 Maret 1823, Wiliams nikahi bocah wadon Prancis kang umuré lagi 14 taun ya iku Madeline Marie Jordan.[6]
Nalika jaman enomé William nggolèk cara supaya bisa dadi Kaisar, banjur William ngaku-ngaku yèn dhèwèké ya iku anak saka Louis XVI lan Marie Antoinette kang ilang.[6] Sanajan kanca-kancané nganggep iki pinemu williams kang salah nanging pira-pira bangsawan Éropah percaya yèn William minangka pewaris kraton Prancis.[6] William mati nalika taun 1858.[6]
Cathetan sikil
[besut | besut sumber]- ↑ Louis_XVII_Dauphin, (Kaundhuh 26/3/2013).
- ↑ a b c d e f g h i j k l m n o p Raja Prancis yang Hilang~Louis XVII Archived 2021-04-16 at the Wayback Machine., (Kaundhuh 26/3/2013)
- ↑ The Mystery of Louis XVII Archived 2015-09-02 at the Wayback Machine., (Kaundhuh 22 April 2013).
- ↑ a b c d e f g h i j k l m n Penipuan Terbesar Yang Pernah Terjadi Di Dalam Sejarah Archived 2016-03-04 at the Wayback Machine., (Kaundhuh 31 maret 2013).
- ↑ Louis XVII, (Kaundhuh 22/Maret/2013).
- ↑ a b c d e f g Mohawk Indian or French Prince? Archived 2013-06-17 at the Wayback Machine., (Kaunduh 5 April 2013).