Lingzhi

Saka Wikipédia Jawa, bauwarna bébas abasa Jawa
Ganoderma lucidum
Ganoderma lucidum 01.jpg
Klasifikasi ngèlmiah
Karajan: Fungi
Filum: Basidiomycota
Klas: Agaricomycetes
Ordho: Polyporales
Famili: Ganodermataceae
Génus: Ganoderma
Spésies: G. lucidum
Jeneng binomial
Ganoderma lucidum
(Curtis) P. Karst

Lingzhi utawi ling zhi (Hanzi tradhisional: 靈芝; Hanzi Prasaja: 灵芝; Basa Jepang: reishi; Basa Koréa: yeongji, hangul: 영지) inggih punika salah setunggaling jinis jamur Ganoderma lucidum.[1] Lingzhi punika salah setunggaling taneman ingkang saged kanggé tamba kanker.[1] Miturut buku Pengobatan Herbal Tiongkok ingkang dipuntulis taun 56 SM, jamur kayu punika kalebet taneman obat nomer satunggal saking 365 obat kalebet gingseng.[1] Lingzhi kalebet kategori superior awit saged kanggé tamba mawarni-warni lelara, saged njagi badan saha saged dipunkonsumsi kanthi boten wonten efeksampingipun.[1] Wonten kanthah jinis jamur kayu, wonten ingkang saged dipundhahar kados ta jamur kuping, jamur tiram, jamur gigit, saha shiitake.[1] Ananging wonten ugi jamur kayu ingkang boten saged dipundhahar kados ta lingzhi saha jamur saking génus Ganoderma.[1]

Lingzhi saged tuwuh ing dhaérah-dhaérah wonten ing donya kalebet ing Indonésia.[1] Lingzhi saged tuwuh ing taneman saha kayu ingkang sampun gapuk utawi wit ingkang sampun pejah.[1] Lingzhi gadhah wujud kados payung ananging boten gadhah lengkungan ingkang sampurna.[1] Lingzhi gadhah pang ingkang langkung cendhak tinimbang wohé.[1] Woh Lingzhi saged gadhah dhiamétér ngantos 30 cm.[1] Wujud payungé sami kaliyan wujud ginjel.[1] Kandelipun woh Lingzhi antawis 2-5 cm.[1] Lingzhi punika ngandhut protein, polisakarida (ganodelan A, ganodelan B, saha jinis-jinis glukans), triterpenoid (asam ganodermik, ganodermadiol, ingkang strukturipun mirib kaliyan hormon steroid, juga germanium, ergosterol, coumarin, mannitol, alkaloid, asam lemak boten jenuh, adenosin, saha vitamin (B, C, D) saha mineral (natrium, kalsium, seng, besi, fosfor).[1] Lingzhi ugi ngandhut senyawa triterpenoid kados ta ganoderat.[2]Triterpenoid punika gadhah khasiat saged nglemesaken otot polos pembuluh darah saha saged njagi viskositas utawi kekentalan darah.[2]

Pranala njaba[besut | besut sumber]

Cathetan suku[besut | besut sumber]

  1. ^ a b c d e f g h i j k l m n rumahkanker.com(dipunundhuh tanggal 15 September 2011)
  2. ^ a b [Majalah Trubus, no.462 Edisi Mèi 2008, kaca 17]