Jamur tiram

Saka Wikipédia Jawa, bauwarna bébas abasa Jawa
Jamur tiram
Oyster mushoom fells.jpg
Jamur tiram
Klasifikasi ngèlmiah
Karajan: Fungi
Filum: Basidiomycota
Klas: Homobasidiomycetes
Ordho: Agaricales
Famili: Tricholomataceae
Génus: Pleurotus
Spésies: P. ostreatus
Jeneng binomial
Pleurotus ostreatus
Champ. Jura. Vosg. 1: 112, 1872

Jamur tiram (Pleurotus ostreatus) punika salah setunggaling jamur pangan saking klompok Basidiomycota.[1] Jamur tiram kalebet kelas Homobasidiomycetes.[1] Jamur tiram nggadhahi ciri-ciri umum wohipun awarni pethak nganti krèm saha tudhungipun nggadhahi wangun kados setengah bunderan mèmper cangkok tiram kanthi bagéyan tengah radi cekung.[1] Jamur tiram taksih nggadhahi kerabat kaliyan Pleurotus eryngii saha asring dipunwastani kanthi nami King Oyster Mushroom.[1]

Jamur tiram nggadhahi tudhung ingkang saged owah werninipun.[1] Saged awarni cemeng, klawu, coklat, ngantos pethak.[1] Bagéyan njawinipun alus saha lunyu kanthi dhiameter 5–20 cm, Bagéyan pinggir tudhung mulus saha nggadhahi lekukan sakedhik-sakedhik.[1] Jamur tiram nggadhahi spora kanthi wangun batang saha nggadhahi ukuran 8-11×3-4μm.[1] Miselium ingkang wonten ing jamur tiram awerni pethak saha saged tuwuh kanthi cepet.[1]

Wonten ing alam bébas, jamur tiram saged dipuntingali saben taun wonten ing wana pagunungan ingkang nggadhahai hawa ingkang sejuk.[1] Woh jamur tiram katingal tumpuk-tumpukan wonten ing sanjawinipun wit kang sampun kropos utawi pokok batang tetaneman ingkang sampun dipuntegor.[1]

Pambudidayan jamur tiram biyasanipun kanthi medhia tanem bledhegan utawi serbuk graji.[1]

Kejawi saged dipunginakaken kanggé campuran masakan, jamur tiram kalebet bahan baken obat statin.[1] Jamur tiram saged mejahi saha nyerna nematoda ingkang tujuwanipun supados pikantuk nitrogen.[1]

Jamur tiram kathah jinisipun ingggih punika tiram pethak, tiram coklat, tiram abrit.[2]

Cathetan suku[besut | besut sumber]

  1. ^ a b c d e f g h i j k l m n naturindonesia.com(dipunundhuh tanggal 16 September 2011)
  2. ^ asimas.co.id(dipunundhuh tanggal 16 September 2011)