Jamur pangan
Jamur pangan utawi jamur konsumsi punika nama kanggé jinis-jinis jamur ingkang biyasa dados bahan panganan.[1] Jamur pangan punika gadhah raos ingkang éco manawi dipundhahar.[1] Kajawi punika, jamur pangan punika boten ngandhut racun ingkang mbebayani dhumateng badanipun manungsa.[1] Jamur pangan ugi gadhah kagunan dhumateng kaséhatan upaminipun jamur kancing ingkang saged ngirangi kanker prostat.[1]
Jamur pangan saged wujud budidaya piyambak kanthi nanem jamur.[1] Kajawi kanthi cara budidaya, wonten ugi jamur pangan ingkang tuwuh piyambak utawi dipunpanèn saking alam.[1] Nanging wonten ugi jamur-jamur ingkang namung saged dipunpendhet saking alam amargi dèrèng mangertosi tèknik budidayanipun.[1] Nanging manawi mendhet jamur alasan ingkang tuwuh wonten alam kedah ngatos-atos, awit wonten ugi jamur ingkang ngandhut racun saha mbebayani dhumateng kaséhatan manungsa.[1] Kedahipun saged mbèntenaken jamur ingkang saged dipundhahar kaliyan jamur ingkang ngandhut racun.[1] Wonten ugi jamur ingkang saged dipundhahar saha boten ngandhut wisa, nanging gadhah raos ingkang boten sekeca.[1]
Sapunika, jamur pangan kathah dipuntanem saha dipunbudidayakaken.[1] Jamur pangan ugi saged dados bisnis alit-alitan utawi langkung ageng ing kulawarga-kulawarga kanggé nambah pangasilan.[2]
Jamur pangan punika tuladhanipun inggih punika jamur tiram, jamur kancing, jamur merang, jamur kuping, shiitake saha sanès-sanèsipun.[1]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |