Shiitake

Saka Wikipédia Jawa, bauwarna bébas abasa Jawa
Shiitake
Lentinula edodes.jpg
Klasifikasi ngèlmiah
Karajan: Fungi
Filum: Basidiomycota
Klas: Homobasidiomycetes
Ordho: Agaricales
Famili: Marasmiaceae
Génus: Lentinula
Spésies: L. edodes
Jeneng binomial
Lentinula edodes
(Berk.) Pegler

Shiitake (椎茸?) (Lentinula edodes) utawa jamur hioko lan asring ditulis minangka jamur shitake iku jamur pangan asal Asia Wétan sing misuwur ing saindhenging donya kanthi jeneng asliné ing basa Jepang. Shiitake kanthi harafiah ateges jamur saka wit shii (Castanopsis cuspidata) amarga watang wité sing wis kropos arupa papan tuwuh jamur shiitake.

Spesies iki mbiyèné tau ditepungi minangka Lentinus edodes. Ahli botani Inggris sing jenengé Miles Joseph Berkeley njenengi spésies iki minangka Agaricus edodes ing taun 1878.

Shiitake akèh dibudidayakaké ing Tiongkok, Koréa lan Jepang lan bisa ditemoni ing alam bébas ing laladan pagunungan ing Asia Kidul-wétan.

Shiitake sajeroning basa Tionghoa diarani xiānggū (Hanzi: 香菇, "jamur arum"), éwadéné sing kuwalitasé dhuwur mawa payung sing luwih kandel diarani dōnggū (Hanzi: 冬菇, "jamur usum adhem") utawa huāgū (花菇, "jamur kembang") amarga ing pérangan dhuwur lumahing payung ana motif retak-retak kaya megar.

Ing Indonésia sok dijenengi jamur jengkol [1], amarga wangun lan aromané kaya jengkol sanajan kanggo sapérangan wong rasa jamur iki kaya rasa peté.

Dhèskripsi[besut | besut sumber]

Jamur shiitake tuwuh ing lumahing watang kayu sing ngopos saka wit Castanopsis cuspidata, Castanea crenata (kastanye), lan sajenis wit èk Quercus acutissima. Watang saka awak woh asring mlengkung, amarga shiitake tuwuh munggah saka lumahing watang kayu sing diyasa. Payung mbukak amba, werna coklat tuwa mawa wulu-wulu alus ing pérangan ndhuwur lumahing payung, éwadéné pérangan ngisor payung werna putih.

Jamur ngandhut racun spésies Omphalotus guepiniformis[2] katon rada mèmper karo jamur shiitake saéngga akèh wong sing kapusan lan keracunan.

Sajarah budidaya[besut | besut sumber]

Réferènsi[besut | besut sumber]

  • Tsuji, Shizuo (1980). Japanese Cooking: A Simple Art. New York: Kodansha International/USA.
  • Yun Ho Choi, et al. (2005). "Inhibition of Anaphylactic Reaction and Mast Cell Activation by the Methanol Extract of Letinus edodes". Chonbuk National University, Republic of Koréa. (unpublished)

Pranala njaba[besut | besut sumber]