Jamur kuping putih

Saka Wikipédia, bauwarna bébas basa Jawa
Jamur kuping pethak
Klasifikasi èlmiah
Krajan: Fungi
Divisio: Basidiomycota
Subdivisio: Hymenomycotina
Kelas: Heterobasidiomycetes
Ordo: Tremellales
Kulawarga: Tremellaceae
Marga: Tremella
Jinis: T. fuciformis
Jeneng binomial
Tremella fuciformis
Berkeley

Jamur kuping pethak utawi mawi basa Jawi ngoko jamur kuping putih ingkang nggadhahi nami Latin Tremella fuciformis punika salah setunggaling spesies saking kelas Heterobasidiomycetes (jelly fungi).[1] Jamur kuping pethak nggadhahi badan ingkang wangunipun kados rumbai-rumbai ingkang boten aturan.[1] Jamur kuping pethak nggadhahi werni pethak saha bening utawi transparan kados ager-ager.[1]

Wonten ing basa Tionghoa, jamur kuping pethak misuwur kanthi nami pinyin: yin er, "kuping pérak" utawi (pinyin: bai mu er, "kuping wit putih").[1]

Jamur kuping pethak tuwuh wonten ing kayu ingkang sampun lapuk saking wit-witan ingkang ronipun wiyar.[1] Jamur kuping pethak wonten ingkang dipunmasak nalika taksih seger, wonten ugi ingkang dipunmasak kanthi dipungaringaken rumiyin.[1] Jamur kuping pethak ingkang dipungaringaken punika wangunipun lajeng mengkeret.[1] Menawi badhé masak jamur kuping pethak ingkang garing punika kedah dipunkum rumiyin wonten toya.[1] Jamur kuping pethak langkung kathah dipunsadé kanthi wangun garing.[1]

Jamur kuping punika asring dipunginakaken kanggé dhaharan panutup.[1] Jamur kuping pethak boten nggadhahi raos menapa-menapa.[1] Jamur kuping pethak nggadhahi tèkstur ingkang kenyal kados jelly nalika dipudhahar.[1] Jamur kuping pethak punika migunani tumprap kaséhatan manungsa.[1]

Kejawi dipunmasak, jamur kuping pethak ugi saged dipundamel ès.[2] Ès punika dipunwastani ès jamur kuping pethak.[2]

Cathetan suku[besut | besut sumber]

  1. ^ a b c d e f g h i j k l m (id)naturindonesia.com(dipunundhuh tanggal 16 September 2011)
  2. ^ a b (id)gayahidup.liputan6.com(dipunundhuh tanggal 16 September 2011)