Kanker prostat

Saka Wikipédia Jawa, bauwarna bébas abasa Jawa
Kanker prostat

Kanker prostat ya iku penyakit kanker kang ana ing prostat.[1]Prostat ya iku salah sijiné kelenjar sajroné sistem reproduksi wong lanang.[1] Kanker prostat bisa kadadeyan amarga sel prostat ngalami mutasi lan wiwit thukul lan ora bisa dikendalekaké.[1] Sel iki bisa nyebar kanthi metastasis saka prostat ing bageyan awak liyané, khususé balung lan lymph node.[1] Kanker prostat bisa nggawe lara lan angel anggone pipis, disfungsi erektil lan gejala liyané.[1]

Prostat iku kelenjar kang ana ing sangisoré kandung kemih wong lanang.[1] Fungsi utamané prostat ya iku kanggo mrodhuksi cairan kang njaga lan nyaluraké sperma.[1]

Prostat kerep gedhé ukurané nalika umuré 50 taun.[2] Nalika umuré 70 taun 80% wong lanang nduwéni prostat kang gedhe.[2] Akeh wong lanang kang umuré wis lansia kang ngalami masalah nalika nguyuh awit prostat kang ukurané gedhe.[2] Ananging ana uga kang gedhené prostat iki uga saka thukulé kanker.[2] Kanker prortat umume nyerang wong lanang lan umumé kang umuré sandhuwuré 65 taun.[1]

Tandha[besut | besut sumber]

Tandha-tandhané yèn kena kanker kelenjar prostat ya iku.[1]

  • Ilèn urin lemah lan mbutuhaké wektu kang suwé kanggo nguyuh.
  • Ngentèni suwe lagi urin bisa metu.
  • Luwih kerep nguyuh tinimbang biyasané.
  • Kerep kebelet pipis.
  • Ngrasake lara ing pangkal penis utawa urin kang ana getihe. Iki biyasané dadi gejala ing kanker prostat stadium lanjut.

Panyebab[besut | besut sumber]

Panyebap kanker prostat ya iku:[1]

  • Umur kang wis tuwa.
  • Riwayat kulawarga lan faktor katurunan.
  • Suku bangsa. Wong lanang Asia nduwe resiko kang kurang yèn kabandingaké wong lanang kang asalé saka negara kulit ireng lan putih.
  • Paparan logam cadmium.

Cathetan suku[besut | besut sumber]

  1. ^ a b c d e f g h i j (id)majalahkesehatan.com(dipunundhuh tanggal 20 Agustus 2011)
  2. ^ a b c d (id)doktersehat.com(dipunundhuh tanggal 20 Agustus 2011)


Sumber artikel punika saking kaca situs web: "https://jv.wikipedia.org/w/index.php?title=Kanker_prostat&oldid=967083"