Kolosus ing Rodos

Saka Wikipédia Jawa, bauwarna mardika basa Jawa

36°27′04″N 28°13′40″E / 36.45111°N 28.22778°E / 36.45111; 28.22778

Gambaran Colossus Rodos.

Kolosus punika patung saking Helios, ingnkang wonten ing pulau Rodos, Yunani, dipundamel déning Chares saking Lindos watara taun 292 kanthi 280 SM. Patung kasebat dipunanggep kaajaiban kuna ingkang wonten ing dunya. Saderengipun rusak, patung mau gadhah kainggilan luwih saking 30 mèter,patung paling inggil nalika jaman samana. Kolosus ingkang wonten Rodos punika Rodos gadhah kainggilan ingkang sami kaliyan Patung Liberty.[1] Patung mau saking kasil sisa perang Demetrios Poliorketes, panerus Alexander Agung nalika taun 305 SM.[2] Patung ingkang sampun misuwur punika dipundamel déning Chares saking Lindos, ingkang dipuntepang dados satriya ingkang jaga kutha Rodhes.[3] Piyambakipun murid saking Lysippus[4][5], sadèrèngipun sampun naté damel patung ingkang ageng.[3] Nanging dipunlajengaken kaliyan Colosus saking Rhodes,Colosus saking Rodhes punika dipunutus déning Chares saking Lindos (dipunmilai sasampunipun 304 SM ngantos 12 taun kanggé ndandosi Patung).[6] Patung ingkang awujud déwa Helios punika dipunyasa amargi ngenang kamenangan ingkang dipunrebut saking Demetrus.[1][2][3] Déwa Helios déwa surya saking mitologi Yunani, putranipun Titan Hyperrion kaliyan Theia, kakang saking déwa Eos (pajar) kaliyan Selene (rembulan).[7]

Pesisir Rhodos[besut | besut sumber]

Pesisir Rodos ana uga ingkang nyebat pasisir punika Rhodes.[3] Kinten-kinten 11 mil pérangan kulon Turki, watara Yunani kaliyan pulau Cyprus.[7] Pesisir mau kados ta pusat ekonami ingkang utama wonten jaman semana.[3] Wonten tlatah Mediterania ingkang dipunembongi Laut Aegea, kutha krajanipun inggih namanipun Rhodes (wonten sumber sanès ingkang nyebat gerbang punika gerbang pelabuan Mandraki[8]), diyasa nalika taun 408 sadèrèngipun masehi.[3] Nalika taun 357 sm pasisir mau dipunkuasani déning Mausolus saking Halicarnassus (ingkang yasa makam kangem garwanipun), nanging dipunrebut déning Pèrsi nalika taun 340 sadèrèngipun masehi, ing tembe dipuntangkap déning Alexander Agung nalika taun 332 SM.[1][3]

Deskripsi Patung Colosus[besut | besut sumber]

Patung ingkang gadhah inggil satunggalatus sedasa mèter punika jumeneng wonten tatakan ingkang inggilipun ngantos 50 kaki wonten pelabuan[6], dados gerbang kanggé mlebet pelabuan Rhodos.[3] Patung kuning déwa Helios (déwa Matahari)[5] punika anggadhi maksut (manawi dipunartosakem ngange abasa Yunani):[3]

  • boten ngagem rasukan
  • nganggé makutha ingkang kados Surya
  • mbekta obor ingkang dipunbekta wonten asta tengen
  • ingkang tangan kiwe nyepeng jubah wonten pundak

Manawi menapa ingkang dados tatakan saking patung punika taksih dipundebat déning para sejarawan, wonten sejarawan ingkang njlentrehaken manawi patung kasebat dipunyasa wonten inggilipun lemah nanging wonten ugi ingkang ngendika patung kasebat dipunyasa wonten inggilipun sagara.[5] Wonten ugi sejarawan ingkang ngendikan, patung kasebat dipunyasa wonten inggilipun candhi saking déwa Helios.[5]

Patung Colosus[besut | besut sumber]

Patung punika rusak margi lindhu nalika taun 226 Saderengipun masehi[2][4][8], ambrukan saking patung punika pating kasebar wonten wewengkon Pesisir Rodos kanthi abad-abad laminipun.[3] Wonten salah satunggaling raja Mesir ingkang nawari biaya kanggé rekonstruksi patung mau, nanging Rhodians boten ngangsali, saestunipun tiyang Mesir punika boten wantun manawi déwa Helios kasinggung bab patung punika.[3] Nalika abad kaping 7, tiyang-tiyang saking Arab ingkang dipundawuh Muawiyah [4] naklukaken Rhodes ugi mecahaken patung sisa saking Colosus mau dados tugelan cilik nuli dipunsade kados wesi tuwa.[3] Miturut legenda ingkang wonten, dipunbetahaken unta kanggé ngangkud ngantos 900.[2][3] Dipunbekta Syria[6], wonten sumber sanès ingkang nyebataken manawi dipunsade dhateng tiyang Yahudi wonten Edessa supados dipun-ginakaken kanggé kaperluan liyan.[5]

Cathetan suku[besut | besut sumber]

  1. a b c Kaajaiban kuna ing dunya dipununduh tanggal 30 Mèi 2011
  2. a b c d [ Colossus Rhodes] dipununduh tanggal 30 Mèi 2011 Masalah sitiran: Tenger <ref> ora trep; jeneng "COLOSUS4" diwedharaké ping bola-bali déné isiné béda
  3. a b c d e f g h i j k l m pitu kajaiban kuna ing dunya Archived 2011-06-10 at the Wayback Machine. dipunnunduh tanggal 30 Mèi 2011 Masalah sitiran: Tenger <ref> ora trep; jeneng "COLOSUS9" diwedharaké ping bola-bali déné isiné béda
  4. a b c Patung Colosus Archived 2011-07-07 at the Wayback Machine. dipununduh tanggal 30 Mèi 2011
  5. a b c d e salah satunggaling pesona dunya dipununduh tanggal 30 Mèi 2011
  6. a b c Colosus Rodos Archived 2011-08-24 at the Wayback Machine. dipununduh tanggal 30 Mèi 2011
  7. a b Colossus of Rhodes dipununduh tanggal 30 Mèi 2011
  8. a b Patung Colossus dipununduh tanggal 30 Mèi 2011
Pitu Kaajaiban Donya Kuna
Piramida Agung Giza
Taman Gantung Babilonia
Patung Zeus ing Olympia
Kuil Artemis
Mausoleum Mausolus
Colossus Rodos
Mercusuar Iskandariyah