Mausoleum Mausolus

Saka Wikipédia Jawa, bauwarna mardika basa Jawa

37°02′16.6″N 27°25′26.6″E / 37.037944°N 27.424056°E / 37.037944; 27.424056

Sisanipun ambrukan saking Mausoleum Mausolus.

Mausoleum Maussollos kondhang ugi kaliyan sebatan Mausoleum Halicarnassus amargi wontenipun ing Halicarnassus [1],(abasa Yunani, Μαυσωλεῖον Ἁλικαρνασσεύς, Μαυσωλεῖον τοῦ Ἁλικαρνασσοῦ (Ἀλικαρνασσοῦ)) inggih punika kuburan ingkang dipunyasa watara taun 353 kanthi 350 SM wonten Halicarnassus (Bodrum, sapunika Turki) ingkang dipunyasa kanggé Mausolus, satrap (utawi gurbernur provinsi)[2] wonten andhapipun kakaisaran Pèrsi [3] kaliyan Artemisia II saking Caria, garwanipun.[1]

Mausoleum punika dipunyasa wonten kutha Bodrum, caketipun laut Aegan, wonten kidul-ngulon Turki.[1] Ugi caket kaliyan kuil Artemis.[1]

Deskripsi saking Mausoleum[besut | besut sumber]

Makam saking Mausollus punika gadhah patung ingkang ngiasi, patung mau dioundamel kaliyan pamatung ingkang saé piyambak kaya ta Bryaxis, Leochares, Scopas ugi Timotius, taksih wonten artefak ingkang dipunsimpen wonten London.[1] Inggilipun kinten-kinten 45 mèter.[4] wonten sumber sanès ingkang nyebat, inggil saking mauseluem punika ngantos 140 mèter [2], ugi 60 mèter.[5] Kuburan ingkang ageng punika dipunpengaruhi kabudayan ingkang sanès saking Pèrsi, Yunani kaliyan Mesir.[6] Kabudayaan saking Pèrsi kapanggih saking gaya ruanganipun, kabudayan saking Yunani kapanggih wonten bangunannipun ingkang gadhah tingkat kalih, kabudayan saking Mesir kapanggih saking gaya piramida wonten tlatah Mesir.[6] Isi saking yasan punika 250 patung.[6] dipundamel saking 36 kolon Ionic, dipunhiasi dekorasi ingkang dipundamel déning para pematung ingkang kondhang wonten Yunani kuna.[5]

Sajarah Mausoleum Mausollus[besut | besut sumber]

Mausoleum dipunyasa[besut | besut sumber]

Dipunbangun wonten Halicarnassus (taun 377 SM), kutha krajan saking kraton alit ingkang wonten ing pasisir Mediterania wonten Asia Alit.[3][7] Kuburan punika wonten Memori watara taun 353-350 sadèrèngipun masehi[7], dipunyasa nalika sabubaripun pamaréntahan Raja Mausolus kaliyan ingkang garwa (Artemisia),putra-putrimipun saking Hecatomnus salami 24 taun[3], ingkang mangke dodos pakuburan saking raja punika.[1] Raja Mausolus punika mendhet garwa adhinipun inggih punika Artemisia.name="MAU MAU2"/> raja punika putra ingkang palling tuwa saking Hecatomnus[7], Hecatomnus amerintah pasisir Mediterania kados kraton alit wonten Asia alit.[1] Nalika Raja Mausolus ninggal dunya, Artemis gadhah pamanggih supados yasa mausoleum kangem garwanipun Raja Mausolus, mausoleum punika ingkang kondhang dados pitu kaajaiban kuna ing dunya.[1][3] Makam punika dados bukti cinta kasih antara janda Artemisia kaliyan ingkang garwa.[6] Arkeolog jlentrehaken manawi ing salah satunggaling upacara kanggé ngurmati garwanipun, Artemisia amarintah pamakaman kanggé garwanipun anggangge ritual ingkang aneh, atusan kéwan dipundadosaken kurban kanggé ngurmati sang Raja.[6]

Mausoleum Ambruk[besut | besut sumber]

Pamakaman kanggé Raja Mausolus punika wonten ngantos 16 abad, kanthi ambruk amargi lindhu ingkang andadosaken cagak-cagak ingkang yangga yasan punika boten kiyat kemalih.[1] Rusak amarga panjarah kubur ugi.[7] Nalika awal abad kaping 15 Masehi Knights of Jhon saking Malta, yasa bètèng ngagem watu saking ambrukan Mausoleum punika.[1][6] Benteng punika dipunyasa supados pertahanan bala Salib aget tambah kiyat.[3] Taun 1846 musium arkéologi dawuhi Charles Thomas Newton, supados manggihi mausoleum wau.[3] aget kapanggih patung saking Mausolus ugi garwanipun ingkang jumeneng wonten inggilipun mausoleum.[3] Sapunika karya seni agung ingkang éndah punika dipunsimpen wonten British Museum.[3] Wonten sumber sanès ingkang mènèhi informasi, manawi watu saking sisa mauseleum punika dipun-ginakaken kanggé mabngun pura Bodrum.[5] Situs saking makam punika kapanggih nalika taun 1857 déning Sir Charles Newton, Didyma kaliyan Cnidus.[5] 20 taun ing tembe, tim arkéologi saking Dhènemarken kaliyan konsevator, dipundawuh Prof Kristian Jeppesen saking Universitas Aarhur wonten ing Dhènemarken.[5] Sampun ngeruk madosi makam mau, ingkang taksih saged dipunlestari inggih punika ruwang ngisor lemah ingkang kapanggih wonten sakiwa-tengené bètèng.[5] Mausoleum punika dipundadosaken musiyum (dipunbikak nalika taun 1988), dipunbiyantu déning pamarintah Turki kaliyan Dhènemarken, sapunika dipunmanajemen déning manajenem Bodrum Museum of Underwater Arkéologi.[5]

Rujukan[besut | besut sumber]

Cathetan suku[besut | besut sumber]

  1. a b c d e f g h i j Pitu Kaajaiban Kuna ing Dunya Archived 2009-08-31 at the Wayback Machine. dipununduh tanggal 30 Mèi 2011
  2. a b Mausolus ing Halicarnassus dipununduh tanggal 30 Mèi 2011
  3. a b c d e f g h sajarah saking Mausoleum Mausolus Archived 2011-06-10 at the Wayback Machine. dipununduh tanggal 30 Mèi 2011
  4. WORLDPOI dipununduh tanggal 30 Mèi 2011
  5. a b c d e f g Tujuh keajaiban kuno dipununduh tanggal 30 MEi 2011
  6. a b c d e f Makam Raja Mausolus dipununduh tanggal 30 Mèi 2011
  7. a b c d kaajaiban kuna ing dunya dipununduh tanggal 30 Mèi 2011
Pitu Kaajaiban Donya Kuna
Piramida Agung Giza
Taman Gantung Babilonia
Patung Zeus ing Olympia
Kuil Artemis
Mausoleum Mausolus
Colossus Rodos
Mercusuar Iskandariyah