Reca Zeus ing Olympia
Reca Zeus punika reca déwa Olimpiade Yunani (nagari ingkang dipunkurmati amargi seninipun).[1] reca punika kondhang amargi dipunsepuh kaliyan emas, ugi dipundamel saking gadhing.[2] inggilipun watawis 12 ngantos 13 mèter, reca Zeus punika agengipun ngebaki sadaya ruang wonten kuil.[3][4] inggilipun yasan kuil punika 40 kaki[1], posisinipun patung Zeus lenggahan.[3] Reca Zeus punika dipundamel déning pamatung ingkang kondhang, inggih punika Phidias (abad ka-5 sadèrèngipun masèhi) kinten-kinten taun 432 sadèrèngipun massehi wonten ing tlatah Olympia, Yunani.[3] dipunsimpen wonten kuil zeus ingkang dipunyasa wonten tlatah Olympia, Yunani.[5] Wonten nalika taun 435-433 sadèrèngipun masehi.[2] warisan saking jaman Athena biyèn.[6]
Patung mau dipunpitados nyimpen rahasia Yunani kuna.[6] salah satunggaling kaajaiban kuna ingkang wonten ing dunya, tunggalipun saking [2]:
- Piramida Agung Giza (Mesir taun 2500 SM),
- Taman Gantung Babilonia (Al Hillah, Bibil, Irak taun 600 SM),
- Kuil Artemis (Efesus, Selcuk, Turki taun 550 SM),
- Mausoleum Mausolus (Bodrum, Turki taun 350 SM),
- Colossus Rodos (Rhodes, Yunani taun 290 SM) ugi
- Mercusuar Iskandariyah utawi Mercusuar Alexsandria (Alexsandria, Mesir taun 280 SM).
Miturut cariyos ingkang kondhang wonten masarakat, dipunmangertosi punapa patung mau dipunrusak watara taun 5 AD, nalika dipunpendet ugi dipunbekta Konstantinopel, nanging wonten Konstantinopel patung mau kabakaran.[5] Wonten cariyos sanèsipun ingkang nyariosaken bab Patung punika, patung Zeus punika dipunrusak kaliyan kuilipun nalika taun 426 AD.[5], dipunrusak aparat Romawi Theodosius II.[5] sumber sanès nyebataken manawi patung Zeus naté cobi dipunpendhet kaliyan Kaisar Romawi Caligula.[1] Nalika taun 522 kaliyan taun 551, wonten lindhu ingkang andadosaken ambrukan kuil mau kekubur ugi remuk luwih parah kemalih.[5] Nanging kuil Zeus ingkang kondhang dados kaajaiban donya mau taksih saged dipunpirsani.[5]
Cathetan suku
[besut | besut sumber]- ↑ a b c kajaiban dunya dipununduh tanggal 27 Mèi 2011
- ↑ a b c www.mediaindonesia.com Archived 2011-06-10 at the Wayback Machine. dipununduh tanggal 27 Mèi 2011
- ↑ a b c www.mediahidup.co dipununduh tanggal 27 Mèi 2011
- ↑ lintas berita[pranala mati permanèn] dipununduh tanggal 27 Mèi 2011
- ↑ a b c d e f Tujuh Keajaiban Dunia Kuna Archived 2011-06-10 at the Wayback Machine. dipununduh tanggal 27 Mèi 2011
- ↑ a b patung bersejarah Archived 2011-03-08 at the Wayback Machine. dipununduh tanggal 27 Mèi 2011
| Pitu Kaajaiban Donya Kuna |
|---|
 Piramida Agung Giza
|
 Taman Gantung Babilonia
|
| Patung Zeus ing Olympia
|
 Kuil Artemis
|
 Mausoleum Mausolus
|
 Colossus Rodos
|
 Mercusuar Iskandariyah
|