Jongmyo

Saka Wikipédia Jawa, bauwarna mardika basa Jawa
Gerbang utami Jongmyo
Korean name
Hangul종묘
Hanja
Alihaksara Koréa Kang SinampurnaJongmyo
McCune–ReischauerChongmyo

Jongmyo punika kuil Konfusius ingkang wonten ing Kutha Seoul, Koréa Kidul. Kuil punika dipunyasa kanggé nyimpen tablet-tablet memorial anggota mendiang panguwasa saking Dinasti Joseon [1]. Kuil Jongmyo punika nyimpen tablet memorial 19 raja lan 30 ratu Koréa. Kuil Jongmyo punika ugi kalebet kuil karajan tuwa dhéwé ingkang dipun-ginakaken minangka papan pakurmatan lan ritual upacara wiwit abad kaping 14. Déning UNESCO, Jongmyo dipundadosaken Situs Warisan Donya wiiwt taun 1995 [2].

Sajarah[besut | besut sumber]

Kuil Jongmyo punika dipunyasa déning Raja Taejong wiwit Dhésèmber 1394 utawi ing taun kaping tiga masa pamaréntahanipun lan kapungkasan ing September 1395 [3]. Wangunan punika Jeongjeon kapérang wonten yasan utama kanthi 7 kamar. Saben kamar punika dipunsampetakaken kanggé altar raja lan ratu. Kompleks Jongmyo dipunwiyaraken déning Raja Sejong ing taun 1421, Raja Sejong yasa Yeongnyeongjeon ingkang ateges Ruang Kenyamanan Abadi. Pawiyaran ugi kanthi ndawakaken yasan dhateng sisih wétan, amargi mbetahaken kamar malih kanggé nyimpen tablet memorial raja lan ratu saéngga dados 17 kamar.

Kados Astana Chaengdeok ingkang naté kobongan, Kuil Jongmyo punika ugi naté kobongan nalika Invasi Jepang dhateng Koréa. Nanging 19 tablet memorial raja lan 30 tablet memorial ratu saged slamet amargi dipun-pindhah dhateng griyanipun warga kala punika [3]. Namung kalih raja ingkang boten gadhah tablet memorial inggih punika Yeonsan-gun lan Gwanghae-gun.

Generasi kaping kalih punika jumeneng taun 1601 ingkang wonten dumugi sapunika. Jongmyo punika dipun-ubengi déning témbok persegi dawa kanthi gerbang dhateng kidul, wétan, lan kilèn. Gerbang utama kuil boten kénging dipunlangkungi sinten kemawon. Déné gerbang wétan mirunggan kanggé raja lan gerbang kulon kanggé para juru main musik. Wangunan punika dipundominasi struktur kayu lan lantai granit. Kamar-kamar ing kuil kapérang dhateng bilik-bilik kanthi ornamen kayu abang kanthi wiyar 5.190 mèter persegi [3].

Jongmyo Jerye[besut | besut sumber]

Saben wulan Mèi ing Jongmyo punika ngawontenaken upacara pakurmatan dhateng mendiang raja lan ratu kanthi ngadani persembahan lan upacara sembahyang saking warga ingkang taksih gadhah ubungan kerabat kaliyan anggota kulawarga karajan. Upacara punika dipunwastani Jonmyo jerye utawi Jongmyo Daeje[1]. Upacara punika ugi kajangkepi kaliyan ritual jogèd ngèlmu kanthi iringan musik astana. Musik saking upacara Jongmyo Jerye dipunsebat Jongmyo Jeryeak minangka Karya Agung Warisan Budaya Oral sarta Nonbendawi Manusia nalika taun 2001. Musik kanggé upacara pamujaan ing Jongmyo kanggé damel swasana tentrem ing upacara pamujaan [4].

Pranala njawi[besut | besut sumber]

Gladri[besut | besut sumber]

Cathetan suku[besut | besut sumber]

  1. a b [1][pranala mati permanèn] (id) Belajar menghargai warisan budaya dari Koréa (dipun-akses tanggal 20 Januari 2013)
  2. [2] Archived 2016-03-09 at the Wayback Machine. (id) Kuil Jongmyo (dipun-akses tanggal 20 Januari 2013)
  3. a b c [3] Archived 2012-11-07 at the Wayback Machine. (id) Jongmyo Shrine Kuil Konfusius tertua di donya (dipun-akses tanggal 20 Januari 2013)
  4. http://world.kbs.co.kr/indonesian/enter/music_concert_detail.htm?No=1123[pranala mati permanèn]