Pura Changdeok
| Pura Changdeok | |
|---|---|
,_Changdeokgung_-_Seoul,_Korea.JPG) | |
| Hangul | 창덕궁 |
| Hanja | 昌德宮 |
| Alihaksara Koréa Kang Sinampurna | Changdeokgung |
| McCune–Reischauer | Ch'angdŏkkung |
| Komplek Pura Changdeokgung | |
|---|---|
| Janeng ing Pratélan Warisan Donya | |
 Changdeokgung Injeongjeon | |
| Jinis | Budaya |
| Wewaton | ii, iii, iv |
| Rujukan | 816 |
| Tlatah UNESCO | Asia-Pasifik |
| Sujarah prasasti | |
| Prasasti | 1997 (Sési 21st) |
Pura Changdeok utawi Pura Changdeokgung punika satunggaling pura Dinasti Joseon ing Seoul, Koréa Kidul ,[1][2]. Pura punika mapan wonten ing sisih wétan pura utama (Pura Gyeongbok). Pura punika pikantuk jejuluk Donggung (Pura Timur). Changdeokgung piyambak punika ateges Pura Kabecikan Gumawang.[3]
Minangka pura utama, Pura gyeongbok dados pusating papréntahan ing dipunubengi déning kuil leluhur, altar kurban, lan kantor-kantor papréntahan. Nanging pura ingkang dipunremeni lan dipunenggèni langkung dangu punika Changdeok. Nalika pungkasan Dinasti Joseon ing taun 1910, Pura Changdeok dados asèt pamaréntah lan kabikak kanggé umum.
Dumugi sapunika, kompleks punika dipunremeni amargi marisi èlemen-èlemen arsitèktur Zaman Tiga Karajan ingkang harmonis kaliyan alam. Metode kados makaten boten pinanggih ing pangyasaning Pura Gyeongbok. Sesarengan Bèntèng Hwaseong, Pura Changdeok dipunlestantunaken minangka Situs Warisan Donya UNESCO ing taun 1997 [4][5].
Sajarah
[besut | besut sumber]Pura Changdeok punika dipunyasa nalika taun 1405. Wiwitanipun pura punika dados villa utawi bale angin (igung). Pura kados makaten padatanipun namung kaginakaken kanggé dalem raja sawatara nalika ngaso. Kathahipun dipunyasa tebih saking kutha krajan, mliginipun wonten ing tlatah-tlatah kanthi pemandhangan ingkang éndah. Nanging, Changdeok punika satunggaling vila ingkang mapan wonten ing kutha krajan namung 1 km saking Pura Gyeongbok. Kebiasaan yasa vila wonten ing kutha kados makaten kawiwitan nalika jaman Dinasti Goryeo.
Amargi wiwitianipun dipunyasa dados vila yasan ing Pura Changdeok punika boten wiyar lan fasilitasipun kanggé nggampilaken raja. Nalika peran pura punika langkung kathah kanggé adicara ingkang resmi, banjur dipunwiyaraken lan cacahipun yasan ugi dipuntambah.
Nalika 200 taun kapisan, Pura Changdeok boten kénging prabawa masalah pulitik ingkang kadadosan ing pura utama. Nalika gesangipun raja nembé tentrem banjur tindak dhateng Pura Changdeok. Ing periode punika, papan ingkang dados remenanipun raja inggih punika Gwangyeollu (Pendhapa ingkang wiyar) ingkang sampun jumeneng saking purwa. Raja Taejong asring ngawontenaken jamuan kanggé para pejabat pura Gwangyeollu lan mirsani gyeokgu (polo) saking mriki.
Pura Chaengdeok naté kobongan nalika prastawa Perang Imjin ing taun 1592 [6]. Pembangunan malih dipunwontenaken ing taun 1609 ingkang nggantos Pura Gyeongbok minangka pura utama [5].
Ugi pirsani
[besut | besut sumber]Pranala njawi
[besut | besut sumber]- UNESCO: Changdeokgung Palace Complex
- Changdeokgung Palace Archived 2012-09-01 at the Wayback Machine.
- (ing basa Koréa) Changdeokgung Palace Archived 2004-09-23 at the Wayback Machine.
- Life in Korea: Changdeok Palace / Biwon Garden
Cathetan suku
[besut | besut sumber]- ↑ [1] Archived 2012-12-10 at the Wayback Machine. (id) Objek wisata di Koréa Kidul-Pura Changdeok (dipun-akses tanggal 8 Januari 2013)
- ↑ Changdeokgung Palace Complex, UNESCO.
- ↑ Kim, Dong-uk (2006). Palaces of Koréa. Seoul: Hollym Corp. kc. 88. ISBN 1-56591-224-1.
- ↑ World Heritage Committee Inscribes 46 New Sites on World Heritage List, UNESCO.
- ↑ a b [2] Archived 2012-11-07 at the Wayback Machine. (id) Changdeokgung (dipun-akses tanggal 8 Januari 2013)
- ↑ Changdeok Palace / Biwon Garden, lifeinkorea