Jamie Coyne
| Katerangan priangga | |||
|---|---|---|---|
| Jeneng dawa | Michael James Coyne | ||
| Tanggal lair | 2 Januari 1981 | ||
| Papan lair |
Sydney,  Ostrali | ||
| Dhuwur | 1.87 m (6 ft 1 1⁄2 in) | ||
| Posisi main | Center back, Left back | ||
| Katerangan klub | |||
Tim saiki | Pénsiun | ||
| Angka | 0 | ||
| Karir nom | |||
| Perth SC | |||
| Karir sénior* | |||
| Taun | Tim | Main | (Gul) |
| 1998–1999 | West Ham United | 0 | (0) |
| 2000–2002 | Perth SC | 47 | (0) |
| 2002–2004 | Perth Glory | 33 | (0) |
| 2004–2005 | ADO Den Haag | 7 | (0) |
| 2005–2011 | Perth Glory | 119 | (4) |
| 2011–2012 | Sydney | 15 | (1) |
| 2012 | Sriwijaya | 18 | (2) |
| 2012 | Persib | ||
| 2013–2014 | Melbourne Heart | 12 | (0) |
| 2014–2016 | Bayswater City | 57 | (2) |
|
* Gunggung main lan gul ing klub sénior tumrap liga dhomèstik iki mligi lan patitis per pukul 22 Februari 2020. | |||
Jamie Coyne yaiku salah sawijining pamain bal-balan kang sale saka Ustrali. Dhèwèké lair ing kutha Sidney surya ping 1 wulan Januari taun 1981 (39 taun).[1] Pamain kang duwe jeneng jangkep Michael James Coyne kasebut duwé dedeg piyadeg yaiku dhuwur 1,87 mèter lan bobot 84 kilogram.[1] Minangka pamain bal-balan Jamie manggon ana posisi bèg bisa dadi bèg tengen, bèg kiwa utawa bèg tengah.[2] Jamie saiki wis pènsiun dadi pamain bal-balan kacuplik saka pawarta ing internèt, klub pungkasan kang dibèlani déning Jamie yaiku Melbourne Heart lan Bayswater City SC awit saka surya ping 1 wulan Juli taun 2013 ora dimangertèni manèh pawartané.[3]
Pamain kang Begja
[besut | besut sumber]Minangka pamain kang ditransfer saka Sidney FC menyang Sriwijaya FC ing taun 2012, Jamie kalebu duwé karir bal-balan kang begja. Ing barisan bèg Sriwijaya FC dhèwèké duwé mitra utawa tandhem yaiku Thierry Ghatuessi dadèkaké bètèng Sriwijaya teguh, ampuh lan angè dibobol déning mungsuh-mungsuhé satemah bisa ngeterké Sriwijaya FC juwara ing Liga Super Indonésia taun 2012.[4]
Pamain kang ora dinuga naté ing klub Liga Primèr Inggris yaiku West Ham United kasebut bisa ditransfer menyang Sriwijaya FC. Nanging nalika ing London, Jamie ora olèh menit main kang cukup kanggo dhèwèké wasana pilih bali menyang Ustrali ana klub Perth SC. Nyoba kabegjané manèh ing klub ADO Den Haag Walanda, asilé ajeg padha lan pilih bali menyang Ustrali manèh.[4]
Suwé bélani klub Perth Glory nganti nyathet panampilan 100 tetandhingan, Jamie banjur nggandhok ana klub kang misuwur ing Liga Ustrali yaiku Sidney FC nanging kariré ora patiya apik lan saka klubé milih nransfer dhèwèké menyang klub Liga Super Indonésia yaiku Sriwijaya FC. Jamie duwé kalodhangan kanggo béla klub Persib Bandung nanging ora sarujuk marang kontrak kang diwènèhaké marang dhèwèké satemah Jamie mudhik manèh menyang Ustrali lan bèlani klub divisi loro Liga Ustrali yaiku Bayswater City.[4]
Karir
[besut | besut sumber]Sadawané kariré, Jamie Coyne wis kapétung bélani pirang-pirang klub ing Ustrali, Inggris, Walanda, lan Indonésia.[3]
- West Ham United FC (1998-1999)
- Perth SC (2000-2002)
- Perth Glory (2002-2004)
- ADO Den Haag (2004-2005)
- Perth Glory (2005-2011)
- Sidney FC (2011-2012)
- Sriwijaya FC (2012)
- Persib Bandung (2012)
- Melbourne Heart (2013)
- Bayswater SC (2013-2016)
Riwayat Transfer
[besut | besut sumber]Jamie Coyne ing Ustrali dudu kalébu pamain kang mirunggan, dhèwèké kaprénah dadi pamain kang lumrah-lumrah waé awit transfer kang diwetokaké klub-klub kanggo bayar dhèwèké ora patiya larang amung ana kisaran atusan èwu euro. Ing taun 2012 nilai transferé Jamie regané 200 èwu euro, déné nilai transferé kang paling larang yaiku nalika ing taun 2004 kang bisa ngancik 350 èwu euro.[2]
- Tanggal 1 wulan Januari taun 2005 ditransfer saka ADO Den Haag menyang Parra Power kanthi rega 350 èwu euro.
- Tanggal 1 wulan Juli taun 2005 ditransfer saka Parra Power menyang Perth Glory kanthi rega 350 èwu euro.
- Tanggal 1 wulan Juli taun 2011 ditransfer saka Perth Glory menyang Sidney FC kanthi rega 250 èwu euro.
- Tanggal 1 wulan Juli taun 2012 ditransfer saka Sidney FC menyang Sriwijaya FC kanthi rega 200 èwu euro.
- Tanggal 6 wulan Fèbruari taun 2013 ditransfer saka Sriwijaya FC menyang Melbourne Heart kanthi rega 200 èwu euro.
- Tanggal 1 wulan Juli taun 2013 ditransfer saka Melbourne Heart menyang Bayswater SC kanthi rega 200 èwu euro.
Main ing Liga Indonésia
[besut | besut sumber]Kang diwedharaké ing ngisor iki yaiku pengalamané Jamie nalika jegur ana bal-balan Indonésia.
Sriwijaya FC
[besut | besut sumber]Nalika sepisan nggandhok ing klub Liga Super Indonésia yaiku Sriwijaya FC, Jamie ngaku kerasan urip ing Palémbang jalaran warga lan padunungé padha grapyak lan sumèh lan jalaran pangalembana saka pandhemen Sriwijaya FC dhèwèké rumangsa dadi pamain bintang. Ngepasi gegladhi lan pemanasan ing stadhion Gelora Jakabaring Jamie rumangsa disubya-subya déning akèh lan asring dijak pota-poto, jenengé tansah diceluk lan pandhemené tansah awèh panjurung marang dhèwèké. Ora mung ana ing lapangan nanging uga nalika ana dalan lan ana supermarket Jamie uga ngaku asring diceluki lan dijak poto, karo pamain Sriwijaya liyané dhèwèké rumangsa cocog, paribasan tumbu nemu tutup pamain liyané mèlu ngréwangi dhèwèké cepet nyetèl.[5]
Juru latih Sriwijaya FC nalika iku Kas Hartadi ngandharaké yèn lumebuné Jamie ora nutup kalodhangan kanggo pamain lokal lumebu tim inti, luwih-luwih kanggo Ahmad Jufriyanto kang duwé posisi kang padha kalawan Jamie nanging sang juru latih uga njurung supaya pamain lokal bisa main ing posisi glandhang tengah. Kas Hartadi ngendikakaké manawa lumebuné Jamie malah mènèhi panjenengané pilihan kang akèh lan bisa dadékaké pamain lokal bisa ngisi posisiné Firman Utina utawa Ponaryo Astaman gumantung karo kabutuhan tim.[5]
Persib Bandung
[besut | besut sumber]Sawisé ora bélani Sriwijaya FC manèh, Jamie banjur ditransfer menyang Persib Bandung. Dhèwèké banjur duwé gegayuhan péngin nggayuh gelar juwara Liga Indoésia bareng Persib jalaran Persib kalebu klub gedhé lan rinasa bakal bungah yèn kasil gawa Persib juwara. Mituruté dudu bab sing ora mungkin, akèh kans sing bisa gawé Persib juwara kaya ta pamain kang diduwèni Persib yaiku pamain kang naté béla timnas ditambah manèh pamain anyar kang dituku uga pamain-pamain apik.[6]
Jamie Coyne ing Angka
[besut | besut sumber]| Klub | Mangsa | Liga | Finals | Asia | Gunggung | ||||||||
|---|---|---|---|---|---|---|---|---|---|---|---|---|---|
| Main | Gol | Asis | Main | Gol | Asis | Main | Gol | Asis | Main | Gol | Asis | ||
| Perth Glory | 2005–06 | 17 | 1 | 4 | - | - | - | - | - | - | 17 | 1 | 4 |
| 2006–07 | 20 | 1 | 1 | - | - | - | - | - | - | 20 | 1 | 1 | |
| 2007–08 | 19 | 1 | 0 | - | - | - | - | - | - | 19 | 1 | 0 | |
| 2008–09 | 17 | 0 | 2 | - | - | - | - | - | - | 17 | 0 | 2 | |
| 2009–10 | 22 | 0 | 4 | 1 | 0 | 0 | - | - | - | 23 | 0 | 4 | |
| 2010–11 | 23 | 1 | 0 | - | - | - | - | - | - | 23 | 1 | 0 | |
| Cacah | 118 | 4 | 11 | 1 | 0 | 0 | - | - | - | 119 | 4 | 11 | |
| Sydney | 2011–12 | 15 | 1 | 0 | - | - | - | - | - | - | 15 | 1 | 0 |
| Cacah | 15 | 1 | 0 | - | - | - | - | - | - | 15 | 1 | 0 | |
| Sriwijaya | 2011–12 | 14 | 0 | 0 | - | - | - | - | - | - | 14 | 0 | 0 |
| Cacah | 14 | 0 | 0 | - | - | - | - | - | - | 14 | 0 | 0 | |
Rujukan
[besut | besut sumber]- ↑ a b Eurosport, Admin. "Bal-balan Pawongan Jamie Coyne (Saka Basa Inggris)". Eurosport. Dibukak ing 2020-02-22.
- ↑ a b Transfermarkt, Admin (2012-06-11). "Profil Pamain Jamie Coyne (Saka Basa Inggris)". Transfermarkt. Dibukak ing 2020-02-22.
- ↑ a b World Football, Admin. "Ringkesan Pamain Jamie Coyne". World Football. Dibukak ing 2020-02-22.
- ↑ a b c Tribe Indonesia, Admin (2017-05-09). "Jagoan Ustrali ing Bal-balan Indonésia". Tribe Indonesia. Dibukak ing 2020-02-22.
- ↑ a b Fitriansyah, Hensyi. "Jamie Coyne Rumangsa dadi Pamain Bintang ing Sriwijaya FC". Goal.com. Dibukak ing 2020-02-23.
- ↑ Wirawan, Randy (2012-09-13). "Jamie Coyne Nekad Awèh Gelar Juwara Kanggo Persib". Juara.net. Dibukak ing 2020-02-23.