Bèg

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Sajeroning ulah raga bal-balan, bèg iku juru main kang posisiné ana ing mburi para glandhang lan tugasé njurung marang tugas kiper kanggo nyegah supaya bal ora mlebu gawang.

Ana sawatara jinis bèg, ya iku: bèg tengah, bèg sayap (full back/wing back), lan libero (sweeper). Para bèg lumrahé awaké gedhé lan rosa, lan racaké dedegé uga dhuwur, sanadyan ana uga bèg kang dedegé cendhèk nanging suksès (racaké bèg sayap kang ora pati mbutuhaké dedeg kang dhuwur). Kabèh bèg kudu pinter main tèkel (tackle) lan perlu duwé keahlian panguwasaan bal kang cukup apik.

Para bèg racaké njaga ing paruh lapangan dhéwé. Bèg kang dhuwur kadhang maju mangarep menyang kothak penalti tim mungsuh wektu tim-é ngayahi tendhangan pojok utawa tendhangan bébas awit ana kamungkinan nyétak gol kanthi sundhulan sirah.

Sawetara bèg misuwur[besut | besut sumber]

Uga delengen[besut | besut sumber]