Iwak sapu-sapu

Saka Wikipédia Jawa, bauwarna mardika basa Jawa
iwak sapu-sapu
iwak sapu-sapu nembé nempel wonten aquarium

Iwak sapu-sapu utawi iwak papan anggeganaya punika kelompok ulam toya tawar ingkang asalipun saking Amérika tropis. Ulam punika kalebet famili Loricariidae, nanging boten sadaya anggota Loricariidae punika ulam sapu-sapu. Ulam punika kawéntar kanthi ulam ingkang mangan alga-alga utawi lumut lan kawéntar ugi kanthi ulam ingkang remen ngresiki aquarium.

Wonten ing perdagangan internasional ulam punika ugi kawéntar minangka plecotomus singkatan saking plecos lan plecs. Ing nagara Malaysia mrika mau kanthi nama ikan papan anggeganaya amargi fungsinipun ulam sapu-sapu punika kados petugas pembersih kutha (bandar). Kajawi punika wonten ing Indonesia, analogi ingkang sami ugi kaginakaken nanging piranti ingkang kanggé punika nama sapu.

Ulam sapu-sapu saged gesang sesarengan kaliyan iwak aquarium sanèsipun lan dipundol-tinuku kanthi ukuran alit, sedengan, lan ageng. Nanging ulam sapu-sapu punika saged tuwuh dumugi dawa 60 cm lan dados kirang aktif kirang ramah ugi.

Ulam sapu-sapu punika kalebet ulam kanthi jinis omnivora utawi kéwan ingkang mangan menapa kemawon. Nanging padatanipun ulam punika pados sisa-sisaning tuwuhan ingkang urip wonten toya nalika wanci dalu.

Sajatosipun ulam sapu-sapu nyakup kathah saking jinis anggota Loricariidae, lan ingkang paling kawéntar punika Hypostomus plecotomus. Amargi saking kathahipun impor warna-warna jinis ulam sapu-sapu, lan kathah ingkang dèrèng kaindentifikasi kanthi pener, lajeng dipundamel pratélan ulam sapu-sapu ingkang dipunwastani nomer-L (L-number) supados saged damel ciri-cirinipun sawatara [1].

Jinising ulam sapu-sapu[besut | besut sumber]

Kasunyatanipun kathah jinis saking ulam sapu-sapu, nanging ingkang kathah piyambak dipunremeni déning tiyang Indonesia punika ingkang mau wonten ing ngandhap punika:

  • Hypancitrus Zebra

Jinis punika kapanggih wonten ing Sungai Amazon kanthi corak badan warni ireng lan putih kados zebra.

  • Scarlet

Jinis punika asalipun saking Rio Xingu, Brazil. Awakipun warni biru lan wonten totol-totol.

  • Leopard

Leopard utawi Pseudacanthicus cf Leopardus kapanggih wonten ing Rio Nrgro, Brazil. Dipunwastani Leopard amargi warninipun ingkang totol-totol ireng ageng wonten ing dhasar putih radi kuning.

  • Leopard Frog Pleco

Ulam jinis punika kapanggihaken wonten ing Sungai Tapajos kanthi corak awak kados kodhok alasan ingkang wonten ing Amazon.

  • Royal Pleco
  • Golden Royal Line Pleco
  • Broken Line Royan Pleco
  • Para Pleco
  • King Tiger Pleco
  • Small Spotted Cat
  • Big Spott Hypostomus
  • Xingu Peppermint Pleco
  • Xingu Baryancitrus
  • Violet Red Pleco
  • Red Fin Cactus Pleco
  • Golden Nugget Pleco [2]

Cathetan suku[besut | besut sumber]

  1. anggeganayasnack.com/sekilas-tentang-ikan-sapu-sapu/[pranala mati permanèn], Sekilas tentang ikan sapu-sapu (dipun-akses tanggal 04 November 2012).
  2. [1][pranala mati permanèn], Jinis-jinis ikan hias pleco-ikan sapu-sapu (dipun-akses tanggal 04 November 2012).