Iwak giru
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Iwak giru (badut) | |
|---|---|
| |
| wak badut Ocellaris, Amphiprion ocellaris | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Actinopterygii |
| Ordho: | Perciformes |
| Famili: | Pomacentridae |
| Subfamili: | Amphiprioninae |
| Genera | |
| Amphiprion Bloch & Schneider, 1801 | |
Iwak giru utawi iwak badut punika salah satunggaling ulam saking anak suku Amphhiprioninae wonten ing suku Pomacentridae. Ulam giru punika gadhah warni kuning, jingga, radi abang lan radi ireng. Spesies paling ageng kanthi dawa 18 cm lajeng ingkang paling alit punika 10 cm. Sedaya jinis punika kalebet kulawarga saking Pomacentridae. Awit saking punika taksih sedhèrèk kaliyan golongan damselfish kados Chromis, Chrysiptera, lan Dascyllus.
Ulam badut punika kasunyatanipun kapérang boten kirang saking 29 jinis. 28 jinis ulam punika saking génus Amphiprion lan satunggal jinis kalebet spésies saking génus Premnas. Premnas gadhah ciri mirunggan awujud eri utawi duri preoperkularis ingkang wonten ing ngandhapipun mata.
Padatanipun ulam badut gadhah ukuran alit. Maksimal dumugi 10-15 cm. Kanthi warni ingkang cerah, awak wiyar lan dhuwur, kaliyan tutuk ingkang alit. Sisikipun radi amba kanthi sirip dorsal ingkang unik. Polaning warna ulam punika asring dados dhasar prosès indetifikasi ulam punika, kejawi bentuking waja, wujuding sirah lan awak [1].
Papan ulam giru[besut | besut sumber]
Ulam badut utawi wonten ugi ingkang mastani ulam nemo punika gadhah griya awujud salah satunggaling kéwan laut kados kembang ingkang dipunarani anemon laut utawi sea anemon. Nanging saking kathaing anemon ingkang wonten ing laut, namung wonten 10 jinis ingkang saged dados papan ulam giru. Nanging wonten ingkang saged mapan wonten sadaya jinis anemon lan wonten ugi ingkang namung saged gesang wonten sakedhik anemon ingkang dados inang kanggé ulam giru.
Ulam giru punika kedah mapan wonten anemon awit saking papan punika kadadéan simbiosis mutualisme. Ulam giru punika ulam ingkang gamapang ditingali musuh predator amargi warninipun ingkang nyolok sanget. Lajeng anemon punika saged nglindungi ulam giru amargi anemon gadhah zat ingkang asipat nyengat lan kathah ulam inglang boten wantun kaliyan sengatipun. Kajawi punika ulam giru ngresiki awakipun piyambak saking parasit lan bakteri kanthi dipungosok kaliyan tentakel anemon. Untungipun kanggé anemon inggih kotoran ulam giru saged dados panganan lan ulam giru saged nglindungi anemon saking serangan kupu-kupu ingkang remen mangan tentakel anemon [2].
Cathetan suku[besut | besut sumber]
- ↑ [1], iftfishing - Clown fish (ikan badut) (dipun-akses tanggal 03 November 2012).
- ↑ [2][pranala mati permanèn], Jinis-jinis ikan badut - indonesianaquaculture (dipun-akses tanggal 03 November 2012).