Hering Raja

Saka Wikipédia Jawa, bauwarna bébas abasa Jawa
Hering Raja
Status konsèrvasi
Klasifikasi èlmiah
Krajan: Animalia
Filum: Chordata
Kelas: Aves
Ordo: Ciconiiformes
Kulawarga: Cathartidae
Marga: Sarcoramphus
Duméril, 1805
Jinis: S. papa
Jeneng binomial
Sarcoramphus papa
(Linnaeus, 1758)
Distribusi burung Hering Raja
Sinonim

Vultur papa

Hering Raja, Nasar Raja, Ruak-ruak Bangkai Raja, Sarcoramphus papa, inggih punika kalebet spesies peksi hering Dunia Baru ingkang urip ing Amerika Tengah lan Amerika Selatan. Spesies punika kalebet ing famili Cathartidae. Peksi hering punika urip ing alas tropis dataran rendah ing Meksiko kidul ngantos Argentina ler. Peksi punika nggadhahi ukuran ingkang ageng kanthi awarni pethak, kantji wulu-wulu ing gegeripun, swiwi lan buntute nggadhahi werni klawu utawi cemeng. Endhas lan gulunipun peksi punika gundhul, kanthi werni kulit ingkang saged owah, kalebet kuning, biru, jingga, lan abrit. Ing cucukipun, peksi Hering Raja nggadhahi gelambir kuning ingkang sanget ketingal. Peksi punika pangananipun inggih punika bathang. Ngantos sapunika Hering Raja minangka satunggalipun anggota genus Sarcoramphus ingkang dipun mangertosi. Wiwitanipun Hering Raja dipunandharaken déning Carolus Linnaeus ing taun 1758 wonten ing edhisi kaping-10 Systema Naturae kanthi nami Vultur papa.[2] Spesies punika lajeng dipunlebetaken wonten ing genus Sarcoramphus taun 1805 déning André Marie Constant Duméril. Genus punika asring lepat nalika dipunsebataken kanthi sesebatan Sarcorhamphus. Nama umum Sarcoramphus punika saking basa Yunani, sarco-/σαρκο- ingkang tegesipun daging lan ramphos/ραμφος ingkang tegesipun cucukipun mlengkung utawi bengkok.[3] Peksi utawi manuk punika dipunlebetaken wonten ing Gyparchus déning Constantin Wilhelm Lambert Gloger ing taun 1841, ananging klasifikasi punika boten dipunginakaken ing literatur modern amargi Sarcoramphus angsal prioritas minangka nama ingkang langkung rumiyin dipunginakaken.[4]

Cathetan suku[besut | besut sumber]

  1. ^ "Species factsheet: Sarcoramphus papa". BirdLife International. Dijupuk 2007-09-11. 
  2. ^ (la) Linnaeus, C (1758). Systema naturae per regna tria naturae, secundum classes, ordines, genera, species, cum characteribus, differentiis, synonymis, locis. Tomus I. Editio decima, reformata. Holmiae. (Laurentii Salvii). k. 86. V. naribus carunculatis, vertice colloque denudate 
  3. ^ Liddell, Henry George; Robert Scott (1980). Greek-English Lexicon, Abridged Edition. Oxford: Oxford University Press. ISBN 0-19-910207-4.  Cite nganggo paramèter lawas |coauthor= (pitulung)
  4. ^ Peterson, Alan P. (2007-12-23). "Richmond Index – GENERA Aaptus - Zygodactylus". The Richmond Index. Division of Birds at the National Museum of Natural History. Dijupuk 2008-01-17. 

Pranala Njawi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Hering_Raja&oldid=1089142"