Harun Ar-Rasyid

Saka Wikipédia Jawa, bauwarna mardika basa Jawa
Harun ar-Rasyid
Khalifah Baghdad
Persian miniature depicting Hārūn ar-Rashīd.
Mréntah 14 September 786-24 March 809
15 Rabi' al-awwal 170AH-3 Jumada al-thani 193AH
Miyos 17 Maret 763
Rayy
Tilar donya 24 Maret 809
Pendahulu Abu Abdullah Musa bin Mahdi al-Hadi
Pangganti Muhammad bin Harun al-Amin
Dinasti Bani Abbasiyah
Bapa Muhammad bin Mansur al-Mahdi
Ibu Al-Khayzuran

Harun Ar-Rasyid inggih punika khalifah kaping gangsal saking dhinasti Abbasiyah, panjenenganipun misuwur minangka kadhermawananipun lan ugi gurit-syairipun.[1] Panjenenganipun maréntah ngantos 23 taun (786-809), lan mbekta dhinasti kasebat dados majeng lan jaya ing babagan ékonomi, dagang, wewengkon, kakuaosan, pulitik, ngèlmu kawruh, lan peradaban Islam.[1] Panjenenganipun punika putranipun Al-Mahdi bin Abu Ja'far Al-Mansyur (ingkang maréntah taun 159-169 H/775-785 M) khalifah kaping tiga dhinasti Abbasiyah.[1] Ibunipun gadhah asma Khazirun, satunggalipun tilas batur tukon saking nagari Yaman.[2] Ibunipun dados tiyang èstri ingkang gadhah pangaribawa (prabawa) dhateng papréntahan garwanipun.[1]

Harun Ar-Rasyid minggah dados raja minangka gantosipun khalifah Al-Hadi (ingkang maréntah ing taun 785-786).[1] Harun Ar-Rasyid pikantuk pandidikan ing pura, pendidikan agami kaliyan ngèlmu kawruh.[1] Panjenenganipun kathah pikantuk pendidikan saking [[Yahya bin Walid (tilar donya taun 805; salah satunggalipun mantri nalika wekdal khalifah Harun Ar-Rasyid).[1] wiwit dados khalifah, Harun Ar-Rasyid ngawontenaken tali silaturahim ingkang raket supeket kaliyan ulama, ahli hukum, qari, panyerat, lan seniman.[1]

Harun Ar-Rasyid punika saatunggalipun tiyang ingkang sregep ngibadah, saben dintenipun tansah nglaksanakaken salat sunat satus rakangat.[1] Ngibadah haji, umroh ping kalih sataun.[1] Manawi tindak haji, para ulama lan putranipun ndhèrèk tindak.[1] Manawi boten tindak haji, panjenenganipun ngajikaken tigang atus tiyang kanthi ragad sadaya saking pamaréntah.[1] Harun Ar-Rasyid kajumenengaken dados raja nalika tanggal 15 Rabiul Awal 170 H utawi 4 September 786, minangka gantosipun sadhèrèkipun ingkang tilar donya ing taun 170 H/786 M.[1]

Pranala njawi[besut | besut sumber]

Kesedihan Khalifah Harun Ar-Rasyid Archived 2011-09-26 at the Wayback Machine. Belajar Melawan Korupsi dari Khalifah Harun Ar Rasyid

Cathetan suku[besut | besut sumber]

  1. a b c d e f g h i j k l m INSTITUSI PENDIDIKAN ISLAM PADA MASA HARUN AR-RASYID Archived 2011-10-01 at the Wayback Machine. dipunundhuh tanggal 10 September 2011)
  2. Harun Al-Rasyid dipunundhuh tanggal 10 September 2011)