Al-Hadi

Abu Muhammad, Musa bin Al-Mahdi al-Hadi (dilairaké ing Rayy, nalika taun 147 H utawa 764 – tilar donya nalika tanggal 14 September 786) iku Khalifah Bani Abbasiyah kang nggantèkaké bapané Al-Mahdi lan mréntah antarané taun 785 tekan patiné taun 786.

Al-Hadi wujud putra pambarepé Al-Mahdi, kaya déné bapané dhèwèké binuka banget marang kabèh wong ing negarané lan ngidinaké wong awam kanggo mara ing pura Baghdad kanggo rembugan karo dhèwèké. Dhèwèké dianggep panguwasa kang mesthi olèh pepadhang, lan nerusaké obahan progrèsif saka para pandhisiké.

Pamaréntahané kang cekak ditimbulaké kanthi sapérangan konflik militèr luwih dhisik. Pambrontakan Husain bin Ali bin Hasan pecah nalika Husain nélakaké dhèwèké minangka kholifah ing Madinah. Al-Hadi ngredhem pambrontakan lan merjaya Husain lan akèh pandhukungé, nanging seduluré Husain lumayu lunga menyang Maroko ing ngendi dhèwèké ing tembe mburi madegaké nagara Idrisi. al-Hadi uga kudu ngredhem pambrontakan Kharijite kaya déné adhep-adhepan karo serangan Bizantium. Sanajan mangkono, Bizantium bali manèh, lan wadyabala Abbasiyah temenan olèh sapérangan tlatah Bizantium.

Al-Hadi tilar donya nalika taun 786 kanthi alamiah. Sapérangan wong wis nélakaké yèn dhèwèké diperjaya sawijining wong kang diopahi ibuné dhéwé, nanging sejarawan Muslim misuwur Ibnu Khaldun ora mercayani pranyatan iki. Al-Hadi digantèkaké adhiné Harun al-Rashid.

Kang sadurungé Al-Mahdi

Khalifah Bani Abbasiyah (785–786)

Kang sawisé Harun Ar-Rasyid