Gouda

Gemeente Gouda


Gendéra Gouda	Lambang Gouda

Gouda ing Walanda

Katrangan cekak

Provinsi:

Zuid-Holland

Jembar:

18,1 km²

Padunung:

70.959 (1 November 2007)

Situs wèb resmi:

http://www.Gouda Archived 2017-04-27 at the Wayback Machine..nl

Pulitik

Burgemeester (Walikutha):

Wim Cornelis

Gouda iku gemeente ing provinsi Zuid-Holland utawa Holland Kidul, Walanda. Gouda iki misuwur déning kéjuné sing diarani Goudse kaas ing basa Walanda. Banjur ing kutha iki uga diprodhuksi lilin, pipa saha sawijining panganan Walanda sing diarani stroopwafel.

Saliyané iku ing Gouda saben dina Slasa kapindho ing sasi Dhésèmber ana prastawa kaarsjesavond utawa "wengi lilin". Ing dina wengi iku listrik sakutha dipatèni lan dienggo lilin. Banjur walikuthané macakaké tèks saka Injil Lukas. Banjur wit Cemara Natal diuripaké cahyané, sawisé listrik diuripaké manèh lan wong-wong padha mangan sop ercis.

Cemara Natalé saben taun disumbang déning kutha kembar Kongsberg ing Nurwègen.

Latar wuri

Provinsi Holland Kidul sing papané ana ing kuloné Walanda iku provinsi ing Walanda kanthi cacahé sing ndunungi gedhé dhéwé. Provinsi iki ing taun 2008 dipérang dadi 86 gemeente. Ing Walanda gemeente iku pérangan administratif sangisoring provinsi. Dadi provinsi iku antara nagara lan gemeente.

Jaman mbiyèn kabèh panggonan iku uga gemeente ing Walanda. Saka désa cilik nganti kutha krajan. Nanging saiki wis ora mangkono manèh. Akèh panggonan sing digabung dadi siji supaya olèh gemeente sing ukurané sedheng.