Goji beri

Saka Wikipédia Jawa, bauwarna bébas abasa Jawa
Goji beri Ningxia.
goji berry kang digaringaké

Goji Beri ya iku sebutan kanggo kanggo 2 spésies tanduran kang arupa ya iku Lycium barbarum lan Lycium chinense. kalorone kalebu ing kulawarga tanduran Solanaceae, kang sajeroning kulawarga iku kalebu uga kenthang, tomat, lan mbako.[1]

Tanduran iki dikembangake ing Cina ing jumlah gedhé, namun bisa uga tinemu ing Jepang, Vietnam, Inggris, Thailand, Tibet, Amérika lan India. Woh goji beri racaké digaringaké kanggo didadeake campuran ing panganan liyané. ing Cina, woh goji beri garing dipangan dicampur karo sop tonik bareng karo campuran liyané kaya ta daging, sayur, akar manis, lan bahan bahan liyané. goji beri uga bisa digunaake dadi teh herbal karo kembang krisan.[1]

Kandhutan bahan kimia[besut | besut sumber]

Woh goji beri duwé kandhutan makronutrien ing jumlah akèh, kaya ta karbohidrat, protein, lemak, lan serat. Wohe kang digaringaké ngandhut 68% karbohidrat, 12% protein, 10% serat, lan 10% lemak. Saben 100 gram woh goji beri ngandhut 370 kkal ènergi. Saliyané iku, woh goji beri uga ngandhut akèh mikronutrien, kaya ta warna-warna vitamin lan mineral, asam amino, polisakarida, monosakarida, asam lemak tak jenuh, karotenoida, lan warna-warna jinis pigmen fenolat kang dikaitake karo antioksidan.[1]

Manfaat[besut | besut sumber]

akèh manfaat saka tanduran goji beri iki. Sistem pangobatan Cina kuno migunaake woh goji beri kanggo ngobati inflamasi (radang) lan warna-warna jinis lelara kulit. Kandhutan polisakaridane nunjukake aktivitas antioksidan kanthi cara in vitro.[1]

Paneliten-paneliten ing Cina nunjukake manfaat woh goji beri, khususe kanggo antioksidan kanggo nglawan lelara jantung lan pembuluh getih, masalah mata kang kaitane karo umur (upamané glaukoma), kanker, sarta kanggo imunomodulator. ananging ora ana paneliten siji baé kang diverivikasi kanthi elmiah ing Kulon, dikonfirmasike sajeroning wujud uji klinik, utawa diakoni déning lembaga kang duwé kawenangan.[1]

Efek liya saka goji beri ya iku mundhake perdarahan. woh iki uga kabukti kanthi cara in vitro menghambat metabolisme warfarin (obat anti pembekuan getih).[1]

manfaat liyané saka woh goji beri ing antarané mudunake tingkat kolesterol, mundhaake sistem kekebalan awak, menghambaty prosès penuaan dini, nambah vitalitas sèksual, ngurangi gangguan lara sirah, ngatasi insomnia, ngatasi mual nalika hamil, ngrewangi mudunake bobot awak, nambah kesuburan, ngatasi asam urat, batuk kering, nguwatake mata, sarta nguwatake otot, balung lan untu.[2]

Cathetan sikil[besut | besut sumber]