Fernando Morientes
 Fernando Morientes ing 2010 | ||||||||||||
| Katerangan priangga | ||||||||||||
|---|---|---|---|---|---|---|---|---|---|---|---|---|
| Jeneng dawa | Fernando Morientes Sánchez | |||||||||||
| Tanggal lair | 5 April 1976 | |||||||||||
| Papan lair |
Cilleros,Cáceres,  Spanyol | |||||||||||
| Dhuwur | 1.84 m (6 ft 1⁄2 in) | |||||||||||
| Posisi main | Striker | |||||||||||
| Katerangan klub | ||||||||||||
Tim saiki | Pensiun | |||||||||||
| Karir nom | ||||||||||||
| Sonseca | ||||||||||||
| 1992–1993 | Albacete | |||||||||||
| Karir sénior* | ||||||||||||
| Taun | Tim | Main | (Gul) | |||||||||
| 1993–1995 | Albacete | 22 | (5) | |||||||||
| 1995–1997 | Real Zaragoza | 66 | (28) | |||||||||
| 1997–2005 | Real Madrid | 182 | (72) | |||||||||
| 2003–2004 | → AS Monaco (silih) | 28 | (10) | |||||||||
| 2005–2006 | Liverpool | 41 | (8) | |||||||||
| 2006–2009 | Valencia CF | 66 | (19) | |||||||||
| 2009–2010 | Marseille | 12 | (1) | |||||||||
| 2015 | Santa Ana | 3 | (0) | |||||||||
| Gunggung | 420 | (143) | ||||||||||
| Tim nasional | ||||||||||||
| 1993–1994 | Spanyol U18 | 12 | (10) | |||||||||
| 1995 | Spanyol U20 | 5 | (1) | |||||||||
| 1995–1998 | Spanyol U21 | 16 | (4) | |||||||||
| 1996 | Spanyol U23 | 2 | (0) | |||||||||
| 1998–2007 | Spanyol | 47 | (27) | |||||||||
| Tim dikemunah | ||||||||||||
| 2012 | Huracán (enom) | |||||||||||
| 2012–2014 | Real Madrid (enom) | |||||||||||
| 2015–2016 | Fuenlabrada | |||||||||||
Pangaji
| ||||||||||||
|
* Gunggung main lan gul ing klub sénior tumrap liga dhomèstik iki mligi. | ||||||||||||
Fernando Morientes duwé jeneng jangkep Fernando Morientes Sánchez, yaiku salah sawijining tilas pamain bal-balan aguna kang asalé saka Spanyol. Dhèwèké lair ing kutha Cáceres, Extremadura, Spanyol surya Senèn, 5 April 1976 (umur 44 taun).[1] Morientes biyèn mapan ing posisi panyerang, naté bélani klub Real Madrid CF, AS Monaco, Liverpool FC, Valencia CF, Olympique Marseille, lan Santa Ana. Morientes alihan saka kampung utawa desané menyang Sonseca, Toledo nalika dhèwèké umur 4 taun, wiwit cilik Morientes wis nuduhaké manawa dhèwèké seneng marang bal-balan.
Wiwitan
[besut | besut sumber]Morientes miwiti karir agunané ing jagad bal-balan nalika dhèwèké nggandhok kalawan klub Albacete Balompie kanthi dhebut ing La Liga Spanyol mangsa 1993-94. Banjur rong mangsa candhaké yaiku mangsa 1995-96 dhèwèké alihan klub menyang Real Zaragoza. Kedadéan alihan kasebut pranyata dadi dalan kanggo buka kariré kang becik jalaran cara main Morientes wiwit dilirik klub gedhé Spanyol kalebu Real Madrid. Ing mangsa 1997-98 klub kasebut kasil milut atiné Morientes kanthi mènèhi dhuwit kontrak kang gedhéné 6,6 yuta Éuro.[2]
Real Madrid
[besut | besut sumber]Ing klub kang disenengi déning Madridista kasebut Morientes duwé gathukan kang pas kalawan Raúl Gonzalez. Senajan nalika iku ana saingan kang ketat, pamain kang duwé peparab El Moro kasebut tansah antuk panggon ing tim utama jalaran dhèwèké asring nyithak gol lan nuduhaké panampilan kang becik. Anèng wiwitan dhebuté Morientes malah kasil dadi tukang nyithak gol paling akèh ing liga lan awèh sumbangan wigati marang telung final Piala Éropa kang dimainaké Real Madrid. Kenangan kang éndah saka Morientes yaiku nalika final Liga Champions ing Stade de France, Saint Denis lumawan Valencia. Morientes miwiti buka gol sepisan kanthi nampa operan saka Michel Salgado. Sajroning wolung mangsa ing kompetisi iki, dhèwèké kasil nyithak 91 gol lan kasunyatan iki dadi bukti prigelé Morientes ana Real Madrid. Anèng sawijining tetandhingan lumawan UD Las Palmas, dhèwèké kasil borong limang gol.[3]
AS Monaco
[besut | besut sumber]Sawisé Piala Donya 2002, Real Madrid nekakaké panyerang saka Brasil kang dadi top sekor kompetisi kasebut, yaiku Ronaldo Luis Nazario de Lima. Morientes banjur ngalah, dhèwèké dhong yèn saingané kasebut dudu panyerang tuwa kaya Pedrag Mijatovic lan Davor Suker nanging panyerang kang lagi ana ing jaman kencana rukminé. Monaco awèh tarèn kanggo nyilih Morientes lan kaloroné sarujuk. Malah ing klub saka nagara cilik iki Morientes kasil buktèkaké marang Real Madrid, marang Raul, lan marang pandhemen Los Blancos ing Santiago Bernabeu. Isih nabet ing angen-angen nalika Morientes kasil nyithak rong gol kang wigati banjur bisa nglolosaké AS Monaco nalika lumawan Real Madrid ing prapat final Liga Champions mangsa 2003-04. Morientes nalika dadi pamain silihan kasil nyithak sangang gol lan dadi top sekor Liga Champions mangsa 2003-04, dhèwèké tansah bisa nyithak gol nalika tetandhingan lèg kaloro, basan téka ing final waé Morientes gagal nyithak gol. Éloké manèh El Moro tampil dadi pamain paling landhep AS Monaco sadawané mangsa 2003-04, gunggung dhèwèké tampil ing 42 tetandhingan lan nyithak gol gunggungé 22. Ing Monaco Morientes dimainaké bareng panyerang Dado Prso saka Kroasia, amarga padha cocogé kaloroné diarani minangka duet maut. Nalika Monaco niat kanggo mermanènké status Morientes, Real Madrid nampik mentah-mentah. Morientes bali menyang Real Madrid kanthi pangajab bakal lumebu tim utama, nanging émané Real Madrid malah nuku Michael Owen saka Liverpool kanggo jangkepi proyek Los Galacticos, dadèkaké Morientes kesisih manèh lan banjur milih lunga menyang klub lawasé Owen, Liverpool.[4][5]
Liverpool
[besut | besut sumber]Tekané Morientes ing Liverpool wulan Januari 2005 dialembana déning juru latih Liverpool nalika iku Rafaèl Benitez minangka master stroke. Kaptèn Liverpool Steven Gerrard banget rumangsa bungah bakal bisa nyambut gawé bareng kalawan pamain asal Spanyol, miturut Gerrard kanthi anané Morientes kang wis dadi pamain kelas donya kang suksès menangi pirang-pirang gelar gedhé uga bisa nularaké kasuksèsané marang klub anyaré iki. Gol sepisan Morientes dumadi nalika tetandhingan lumawan Charlton Athletic lumantar tendhangan kang banter menyang pojok tengen dhuwur gawang. Dhèwèké uga ngegolke ana tetandhingan sabanjuré nalika Liverpool adu arep kalawan Fulham, nalika iku gol diasilaké lumantar sundhulan sirah kang wis dadi capé, nanging ana ing kompetisi Éropa dhèwèké amung bisa nyithak siji gol. Ora ana sawijining pawongan kang mamang marang Morientes, ning émané dhèwèké mung bisa dadi pamain kang asring ngisi bangku andhungan. Liga Champions dadi kompetisi kang sumèh kanggo dhèwèké, dalan padhangé ing Liverpool tinemu ing kompetisi iki, tetandhingan lumawan CSKA Moskow surya ping 10 Agustus 2005 buka keran gol Morientes lan kasil nyithak gol éndah nalika lumawan Anderlecht, nanging dhèwèké malah melempem ing Liga Primèr Inggris. Masia ngono Moriéntes bisa awèh pengaji-aji marang Liverpool yaiku kanthi juwarani Piala FA taun 2005 sawisé ngasoraké West Ham United lumantar babak pinalti.[6]
Pangaji-aji
[besut | besut sumber]Fernando Morientes dudu pamain bal-balan sabaèné, dhèwèké yaiku pamain kelas donya kang kebak pengalaman lan pangaji-aji selawasé ambyur ana jagad bal-balan. Liga-liga top kaya Spanyol, Inggris, lan Prancis wis naté dipecaki lan mesthi waé saben klub kang dibélani bisa suksès.[7]
Klub
[besut | besut sumber]- Juwara Liga Champions Eropa mangsa 1997-98, 1999-00, lan 2001-02 bareng Real Madrid.
- Juwara Piala Interkontinental taun 1998 lan 2002 bareng Real Madrid.
- Juwara La Liga Spanyol mangsa mangsa 2000-01 lan 2002-03 bareng Real Madrid.
- Juwara Piala Super Spanyol taun 2001 bareng Real Madrid
- Juwara Piala Super Eropa 2001-02 bareng Real Madrid lan 2004-05 bareng Liverpool.
- Juwara Piala FA taun 2006 bareng Liverpool.
- Juwara Copa del Rey mangsa 2007-08 bareng Valencia.
- Juwara Ligue 1 mangsa 2009-10 bareng Olympique Marseille.
- Juwara Piala Super Prancis mangsa 2009-10 bareng Olympique Marseille.
Priyangga
[besut | besut sumber]- Top sekor Liga Champions Eropa mangsa 2003-04.
Rujukan
[besut | besut sumber]- ↑ Transfermarkt, Admin (2010-09-01). "Profil Pamain Fernando Morientes (Saka Basa Inggris)". Transfermarkt. Dibukak ing 2020-06-07.
- ↑ Adi Pradana, Mamor. "Profil Fernando Morientes (Saka Basa Indonesia)". Merdeka.com. Diarsip saka sing asli ing 2020-06-07. Dibukak ing 2020-06-07.
- ↑ Real Madrid, Admin. "Babagan Real Madrid, Klub, Sujarah, Pamain Bal-balan Legendaris Fernando Morientes Sanches (Saka Basa Indonesia)". Real Madrid. Dibukak ing 2020-06-07.
- ↑ Rahman, Aunur (2018-04-05). "Karir Fernando Morientes tansah Minangka Saingan Panyerang Liyane (Saka Basa Indonesia)". Football Tribe. Dibukak ing 2020-06-07.
- ↑ Wijanarko, Tomy (2020-03-30). "Dhuet Sangar Dado Prso Morientes Mesin Gol Jaran Ireng Liga Champions (Saka Basa Indonesia)". Indosport. Diarsip saka sing asli ing 2020-06-07. Dibukak ing 2020-06-05.
- ↑ "Cathetan Karir Fernando Morientes ing Liverpool". www.lfchistory.net. Dibukak ing 2020-06-07.
- ↑ "Fernando Morientes - Gelar-gelar lan Pangaji-aji (Saka Basa Inggris)". www.transfermarkt.com (ing basa Inggris). Dibukak ing 2020-06-08.