Menyang kontèn

Endang Rahayu Sedyaningsih

Saka Wikipédia Jawa, bauwarna mardika basa Jawa
Artikel iki ditulis nganggo basa krama.
Endang Rahayu Sedyaningsih
Mantri Kaséhatan Républik Indonésia 16
Linggih
22 Oktober 2009 – 30 April 2012
PrésidhènSusilo Bambang Yudhoyono
Kang sadurungéSiti Fadilah
Kang sawiséNafsiah Mboi
Rerincèn dhiri
Lair(1955-02-01)1 Fèbruari 1955
Indhonésia Jakarta, Indonésia
PatiMèi 2, 2012(2012-05-02) (umur 57)
Indhonésia Jakarta, Indonésia
BangsaIndonésia
SisihanDr. Reanny Mamahit, SpOG, MM
AlmamaterUniversitas Indonésia
Harvard School of Public Health

dr. Endang Rahayu Sedyaningsih, MPH, DR.PH (lair ing Jakarta, 1 Fèbruari 1955 – pati ing Jakarta, 2 Mèi 2012 ing umur 57 taun) inggih punika Mantri Kasarasan (Kaséhatan) ing Kabinèt Indonésia Bersatu II ingkang njabat wiwit 22 Oktober 2009.[1] Sadèrèngipun, panjenenganipun sampun naté njabat dados Kepala Pusat Panelitén lan Pangembangan Boimedis lan Farmasi, Badhan Penelitén lan Pangembangan Depkes wiwit 2007.[2] Panjenenganipun pikantuk gelar sarjana nalika taun 1979 saking Fakultas Kadhokteran Universitas Indonésia.[2] Ibu sakih kalih putra lan satunggal putri punika lajeng nglajengaken pendidikanipun kanthi mendhet spesialisasi Kaséhatan Masarakat ing Harvard School of Public Health' ing Boston, Amérika Sarékat ing taun 1992.[2] Program dhoktor panjenengan pendhet ing program Kaséhatan Masarakat lan ugi ing kampus ingkang sami lan lulus nalika taun 1997.[2]

Endang gadhah garwa Dr. Reanny Mamahit, SpOG, MM (Direktur RSUD Tangerang) lan peputra kalih cacahipun lan satunggal putri.[2] Putra kapisan namanipun Rinanda Wailan Mamahit, putra kekalih namanipun Awandha Raspati Mamahit, lan putri ingkang paling alit namanipun Rayinda Raumanen Mamahit.[1][2] Karieripun Endang ing Dhinas Kaséhatan radi dangu.[2] Sasampunipun kuliyah ing FKUI, Endang naté nyambut damel ing Griya Sakit Pertamina Jakarta, nalika taun 1979-1980.[2] Salajengipun nalika taun 1980-1983, Endang tindak dhateng Nusa Tenggara Wétan.[2] Ing wewengkon punika, Endang njabat Kepala Pusat Kaséhatan Masarakat (Puskesmas) ing Waipare Nusa Tenggara Wétan.[2] Lajeng panjenenganipun tugas malih ing Jakarta.[2] Endang pinitados nyambut damel ing Dhinas Kaséhatan Provinsi DKI Jakarta nalika taun 1983-1997.[2] Boten namung ing Indonésia kemawon, karier panjenenganipun ugi saya moncér ing mancanegari.[2] Panjenenganipun njabat dados Penaséhat teknis ing Dhepartemén Panyebaran Penyakit lan Respons ing Geneva, Switserlan, taun 1997-2006.[2]

Cathetan suku

[besut | besut sumber]
  1. ↑ a b [1][pranala mati permanèn] dipunundhuh tanggal 9 Oktober 2011)
  2. ↑ a b c d e f g h i j k l m n [2] Archived 2012-02-01 at the Wayback Machine. dipunundhuh tanggal 9 Oktober 2011)

Pranala njawi

[besut | besut sumber]

Profil Menkes Endang Rahayu Sedyaningsih


Dijupuk saka "https://jv.wikipedia.org/w/index.php?title=Endang_Rahayu_Sedyaningsih&oldid=1655865"