Darès

Saka Wikipédia Jawa, bauwarna bébas abasa Jawa
(Dilih saka Dares)
Darès
Northern Spotted Owl.USFWS-thumb.jpg
Spotted Owl (Dares bgarudha)
Taxonomi
Regnum: Animalia
Rumpun: Chordata
Kelas: Aves
Ordo: Strigiformes
Kulawarga

  Strigidae
  Tytonidae

Darès, beluk, utawa guweg ya iku manuk kang kalebu anggota ordo Strigiformes.[1] Manuk iki kalebu golongan manuk kang galak (karnivora, panganane daging) lan kelebu kéwan wengi (nokturnal).[1] Sakabèhané, ana kira-kira 222 spesiés kang wis dingertèni, kang nyebar ing donya kajaba Antartika, sebagéyan Greenland, lan pulo-pulo kapencil.[2]

Manuk darès dikenal amarga mripaté sing gedhé lan madhep ngarep, ora kaya manuk-manuk liyane sing mripaté madhep miring.[1] Cucuké manuk darès béngkong tur landhep kaya cucuké manuk garudha.[1] Wulu ing sirahé maujud buderan rai. Rainé manuk darès katon apik banget, nanging kerep katon medèni.[1] Apa manèh guluné manuk darès iki bisa diputer nganti 180 derajat mamburi.[1] Biyasané manuk darès wuluné lurik, warnané rada soklat utawa klawu ana bercak-bercak ireng lan putih.[1] Buntuté biyasané mung cekak, nanging swiwiné gedhé lan amba.[1] Ambané swiwiné bisa nganti ping teluné dawané awaké.[1]

Biyasané manuk darès golek pangan ing wayah wengi. Golèk pangané nalika wektu subuh lan soré krepuskular.[2] Saliyané iku ana uga manuk darès kang golèk pangan ing wektu awan.[2] Manuk darès panganané macem-mecem kewan, kayata srangga, kodok, tikus, lan liya-liyané.[2] Manuk darès iku kagolong kéwan karnivora, pakanané daging utawa kéwan urip. Pagawéyané ya mbedhog kéwan-kéwan cilik, kaya ta: tikus, kadal, trewelu lan sabanjuré.

Ing Donya Kulon (Éropah), kéwan iki diarani kéwan sing wicaksana. Ananging ing donya wétan, (Asia), kéwan iki kaanggep pratandhaning mala, kasripahan utawa kapatèn. Mulanéing basa Melayu kéwan ini diarani Burung Hantu utawa manuk pati. Tembung hantu iku ing basa Jawa Kuna uga ana lan tegesé pati.

Jinising manuk darès[besut | besut sumber]

Ordo Strigiformes kapérang dadi 2 kulawarga (familia), ya iku suku manuk serak utawa burung-hantu gudang (Tytonidae) lan manuk darès sejati (Strigidae). Akèh ing antarané manuk iki kang kalebu jinis èndemik (anané mung ing laladan cilik lan ora tinemu ing laladan liya) ing Indonésia, utamané saka marga Tyto, Otus, lan Ninox.

Logo saka Detasemen Khusus 88, migunakaké rerupan manuk darès

.

Conto-contoné:

Tytonidae[besut | besut sumber]

ew

Strigidae[besut | besut sumber]

Cathetan Suku[besut | besut sumber]

  1. ^ a b c d e f g h i (id)burunghantu.com (Dipuntingali tanggal 13 September 2011)
  2. ^ a b c d (id)scribd.com (Dipuntingali tanggal 13 September 2011)
Sumber artikel punika saking kaca situs web: "https://jv.wikipedia.org/w/index.php?title=Darès&oldid=1098031"