Manuk Beluk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Darès)
Langsung menyang: pandhu arah, pados
Darès
Northern Spotted Owl.USFWS-thumb.jpg
Spotted Owl (Dares belang)
Taxonomi
Regnum: Animalia
Rumpun: Chordata
Kelas: Aves
Ordo: Strigiformes
Kulawarga

  Strigidae
  Tytonidae

Manuk beluk, manuk darès utawa guweg yaiku manuk kang kalebu anggota ordo Strigiformes.[1] Manuk iki kalebu golongan manuk kang galak (karnivora, panganane daging) lan kelebu kéwan wengi (nokturnal).[1] Sakabèhané, ana kira-kira 222 spesiés kang wis dingertèni, kang nyebar ing donya kajaba Antartika, sebagéyan Greenland, lan pulo-pulo kapencil.[2]

Manuk beluk dikenal amarga mripaté sing gedhe lan madhep ngarep, ora kaya manuk-manuk liyane sing mripaté madhep miring.[1] Cucuké manuk beluk béngkong tur landhep kaya cucuké manuk elang.[1] Wulu ing sirahé mbentuk buderan rai. Rainé manuk beluk katon apik banget, nanging kerep katon medèni.[1] Apa manèh guluné manuk beluk iki bisa diputer nganti 180 derajat mamburi.[1] Biyasané manuk beluk wuluné lurik, warnané rada soklat utawa abu-abu ana bercak-bercak ireng lan putih.[1] Buntuté biyasané mung cekak, nanging swiwiné gedhe lan amba.[1] Ambané swiwiné bisa nganti ping teluné dawané awaké.[1]

Biyasané manuk beluk golek pangan ing wayah wengi. Golèk pangané nalika wektu subuh lan soré krepuskular.[2] Saliyané kuwi ana uga manuk beluk kang golèk pangan ing wektu awan.[2] Manuk beluk panganané macem-mecem kewan, kayata srangga, kodok, tikus, lan liya-liyané.[2] Manuk darès iku kagolong kéwan karnivora, pakanané daging utawa kèwan urip. Pagawéyané ya mbedhog kéwan-kéwan cilik, kaya ta: tikus, kadal, trewelu lan sabanjuré.

Ing Donya Kulon (Eropah), kéwan iki diarani kéwan sing wicaksana. Ananging ing donya wétan, (Asia), kéwan iki kaanggep pratandhaning mala, kasripahan utawa kapatèn. Mulanéing basa Melayu kewan ini diarani Burung Hantu utawa manuk pati. Tembung hantu iku ing basa Jawa Kuna uga ana lan tegesé pati.

Jinising manuk beluk[sunting | Owah sumber]

Ordo Strigiformes kapérang dadi 2 kulawarga (familia), yaiku suku manuk serak utawa burung-hantu gudang (Tytonidae) lan manuk beluk sejati (Strigidae). Akèh ing antarané manuk iki kang kalebu jinis èndemik (anané mung ing dhaerah cilik lan ora tinemu ing dhaerah liya) ing Indonésia, utamané saka marga Tyto, Otus, lan Ninox.

Logo saka Detasemen Khusus 88, migunakaké rerupan manuk beluk

.

Conto-contoné:

Tytonidae[sunting | Owah sumber]

ew

Strigidae[sunting | Owah sumber]


Cathetan Suku[sunting | Owah sumber]

  1. ^ a b c d e f g h i (id)burunghantu.com (Dipuntingali tanggal 13 September 2011)
  2. ^ a b c d (id)scribd.com (Dipuntingali tanggal 13 September 2011)
Sumber artikel punika saking kaca situs web: "https://jv.wikipedia.org/w/index.php?title=Manuk_Beluk&oldid=933197"