Blabag kapur

Saka Wikipédia Jawa, bauwarna bébas abasa Jawa
Jump to navigation Jump to search
blabag

Blabag kapur ya iku blabag kang digawé saka kayu lan bisa ditulisi sarana kapur tulis.[1] Blabag ing jaman biyèn digawé saka lembaran tipis watu tulis kang wernané ireng utawa klawu.[1]

Blabag tulis saiki digawé saka lembaran blabag kang dicèt.[1] Blabag tulis lumrahé wernané ireng utawa ijo.[1] Blabag tulis jaman saiki uga ana kang digawé saka blabag putih lan carané nulis nggunakaké spidhol.[1]

Blabag lumrahé digunakaké ing sekolah-sekolah lan institusi pandhidhikan utawa palatihan.[1] Tulisan utawa gambar kang digawé nganggo kapur tulis gampang dibusak.[1] Lumrahé dibusak nganggo lap kang teles utawa busak blabag tulis.[1] Busak blabag tulis lumrahé digawé saka salembar karpèt kang ditémpélaké ing kayu.[1] Déné tulisan kang digawé saka kapur tulis kang teles lumrahé luwih angél dibusak.[1] Prodhusèn blabag lumrahé nganjuraké supaya blabag tulis anyar kang lagi dituku kudu dikebaki karo corèkan-corèkan kapur tulis dhisik[1] Sawisé corèkan-corèkan dibusak, blabag tulis banjur siyap digunakaké.[1] Kapur tulis kang digunakaké nalika nulis ing blabag lumrahé nduwéni warna putih.[1] Saliyané warna putih ana uga warna-warna liyané kaya ta abang, kuning, ijo, ungu, oranye, biru.[1] Kapur tulis kang digawé saka blabag nduwéni éfék samping ya iku kapur tulis kang dianggo digawé saka gipsum saéngga ngasilaké akèh awu nalika dianggo nulis lan dibusek.[1]

Sanajan prodhusèn ngandharaké yèn kapur tulis kang digawé bébas lebu, sapérangan wong tetep kurang seneng karo blabag tulis kang digawé saka blabag.[2] Awu kapur kang diasilaké nalika nulis bisa njalari alérgi utawa bisa njalari lelara asma.[2] Blabag kang wernané ireng saiki wis akèh sing diganti karo blabag tulis kang wernané putih.[2] Blabag kang wernané putih iki lumrahé diarani blabag spidhol.[2] Blabag spidhol iki ora nggunakaké kapur tulis nanging nggunakaké spidol.[2]

Cathetan suku[besut | besut sumber]

  1. ^ a b c d e f g h i j k l m n o tekno.kompas.com(dipunundhuh tanggal 29 Juni 2011)
  2. ^ a b c d e sentrakantor.com(dipunundhuh tanggal 29 Juni 2011)

Delegen uga[besut | besut sumber]