Benny Likumahuwa

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Benny Likumahuwa
Benny Likumahuwa.jpg

Benny Likumahuwa (lair ing Kediri, Jawa Wétan, 18 Juni 1946; umur 73 taun) ya iku musisi senior saka Indonésia.[1] Dhèwèké sinau babagan musik kanthi autodidak.[1] Wiwitané dhèwèké mainaké bongo, nuli ganti karo bas dadi piranti musik mligi.[1]

Dhèwèké uga tau nyoba mainaké klarinèt, saksofon lan sinau nyebul piranti musik trombon nalika seneng karo musik jazz.[1] Nuli dhèwèké nggabung karo grup band Cresendo saka Bandung.[1] Bebarengan karo grup band The Rollies, Benny Likumahuwa keconggah rekaman kanggo Polygram ing Singapura sarta tur mubeng-mubengi Indonésia.[1] Dhèwèké iku kakang saka musisi Utha Likumahuwa, kang nyambut gawéné uga dadi musisi musik jazz.[2]

Ing sasi Juli 2011, dhèwèké nganakaké penggalangan dana Charity Nite For Utha Likumahuwa.[2] Tujuan saka acara mau ya iku kanggo ngréwangi béya pangobatan Utha Likumahuwa.[2] Akèh artis kang mèlu nyengkuyung panggalangan dana mau, kaya ta artis Ermy Kulit, Vonny Sumlang, Mus Mujiono, Syaharani, lan Ruth Sahanaya uga mèlu ngrewangi.[2]

Karir[besut | besut sumber]

Kiprahé Benny Likumahuwa ing donya musik jazz ora mudhun, nanging dhèwèké tetep waé aktif lan mbentuk The Augersindo lan main mubeng-mubeng ing laladan Asia.[1] Nanging wusanané ing taun 1980 Benny bali manèh menyang Jakarta lan nggabung bareng karo Ireng Maulana All Star.[1] Benny aktif partisipasi ing acara festival jazz ora namung ing negriné dhéwé, dhèwèké uga kerep menyang jaban rangkah kanggo nekani festival jazz, kaya ta nalika taun 1997 dhèwèké nekani The International Dixie Land Festival ning Dresden, Jerman lan The North Sea Jazz Festival, ing The Hage, Walanda.[1]

Wiwit taun 2006, bebarengan karo Todung Pandaitan, Gilang Ramadhan, Donny Suhendra, Krisna Prameswara, lan Annette Frambach nggawé Glagiresik Music Lab.[1] Ing tanggal 7 februari 2009, Benny bebarengan karo anaké ya iku Barry Likumahuwa kang uga nyambut gawé dadi musisi ning musik jazz nggelar sawijining konsèr kang tajuké Jazz Concert Continously.[1] Konsèr iki sakaligus dadi kisahé nglakoni karir musik Benny.[1]

Cathetan suku[besut | besut sumber]

  1. a b c d e f g h i j k l Biografi Benny Likumahuwa dipunundhuh tanggal 9 September 2011
  2. a b c d berita Benny Likumahuwa dipunundhuh tanggal 9 September 2011

Cithakan:Pamusik Jazz Indonésia