Saksofon

Saka Wikipédia, bauwarna bébas basa Jawa
gambar saksofon

Saksofon dikembangaké taun 1840-an déning Adolphe saksofon, dheweké saka kebangsaan Belgia. Nalika esih nyambutgawe ana ing toko piranti bapake nang Brussels, Adolphe miwiti ngembangaké piranti kang duwéni proyeksi instrumen kuningan kang lewih lincah saka piranti musik damu kayu. Saksofon piranti sing isih mèlu kulawarga woodwind. Saksofon biasané digawé saka logam lan carané nganggo nggunakaké single-reed kaya klarinet. Saksofon biasané kerep digunakaké ing big band music lan jazz, nanging wiwitané saksofon digunakaké minangka piranti orkestra lan band militer. Saiki wis akèh merk saksofon kang sumebar ing pasaran kayata; Selmer, Conn, Yamaha, Yanagisawa, L.A.Sax, Jupiter, Lincoln, La Fleur, Weril, Lark, lan Subaru.

Wong kang nggunakakè saksofon diarani saksofonis. Saksofonis Indonésia kang misuwur ya iku: Embong Rahardjo (alm), Didiek S.S.S, Paulus Cucuripet, lan Kenny Joe. Saksofonis international kang Legendaris kang misuwur kayata: Coleman Hawkins, Stanley Turrentine, Zoot Sims,Charlie Parker, lan Joe Henderson. Saksofonis internasional kang misuwur ing jaman saiki kayata: Kenny G, Dave Koz, Eric Marienthal, Richard Elliot, Sadao Watanabe, Kirk Whalum, lan Kenny Garretta.[1]

Jinisé saksofon[besut | besut sumber]

Beda karo tuts piano sing bisa duwé akèh titi laras wiwit saka do paling cendhak nganti do paling duwur, saksofon ora bisa akèh kaya piano. Mula saksofon digawé kanthi akèh ukuran kanggo ngasilaké titi laras kang jangkep kaya piano. Saksofon cacahé ana 14 jinis. Saka 14 jinis iku kang kerep kasebut ya iku saksofon sopran, alto, lan tenor. Saksofon sopran bentuké lurus kaya kang dianggo Kenny G. Saksofon alto bentuke rada mlengkung kaya huruf "J". Jinis iki biasané dianggo Dave Koz. Ing nduwuré alto ana saksofon tenor, lan biasané diarani saksofon jazz. Kang luwih gedhé manèh ya iku saksofon bariton.[2]

Referensi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Saksofon&oldid=1000292"