Bekantan

Saka Wikipédia Jawa, bauwarna mardika basa Jawa
Bekantan
Klasifikasi ngèlmiah
Karajan: Animalia
Filum: Chordata
Klas: Mammalia
Ordho: Primata
Famili: Cercopithecidae
Subfamili: Colobinae
Génus: Nasalis
É. Geoffroy, 1812
Spésies: N. larvatus
Jeneng binomial
Nasalis larvatus
Wurmb, 1787

Bekantan kang duwé jeneng ilmiyah Nasalis larvatus iku wujud kethèk kang duwé irung dawa, rambute warna soklat semu abang kang kagolong ing génus kethèk Nasalis.[1]

Sing mbedakake bekantan karo kethèk liyané ya iku irunge kang gedhé lan dawa ing bekantan lanang. Gunane irung kang gedhé lan dawa ing bekantan lanang durung cetha, manawa waé iku amarga seleksi alam. Bekantan wédok luwih milih bekantan lanang kang duwé irung kang gedhé lan dawa. Bekantan uga misuwur kanthi jeneng kethèk Walanda. Ing basa Brunei (kxd) diarani bangkatan.[1]

Bekantan lanang luwih gedhé tinimbang bekantan wédok. Gedhene bisa tekan 75 cm kanthi bobot 24 kg. bekantan wédok gedhene mung 60 cm, lan boboté 12 kg. Kéwan iki duwé weteng gedhé. Panganane bekantan iku wujud woh-wohan, isi, lan godhong-godhongan.[1]

Bekantan akèh urip ing pulo Kalimantan. Kéwan iki akèh urip ing wit-witan, lan uripé gawé kelompok, saben kelompok cacahé 10 nganti 32. Bekantan uga bisa ngelangi.[1]

Bekantan iku dadi maskot fauna provinsi Kalimantan Kidul.[1]

Miturut ilange habitat alas lan akèhé bekantan kang dicekel, bekantan didaptarake ing IUCN Red List, amarga arep cures. Kéwan iki didhaptarake ing CITES Appendix I.[2]

Cathetan suku[besut | besut sumber]

  1. a b c d e www.dephut.go.id; Bekantan Archived 2015-01-09 at the Wayback Machine.(diundhuh tanggal 4 Agustus 2011)
  2. www.iucnredlist.org(diundhuh tanggal 4 Agustus 2011)