Menyang kontèn

Bambang Sudibyo

Saka Wikipédia Jawa, bauwarna mardika basa Jawa
Bambang Sudibyo
Mantri Panggulawenthah Nasional Indonésia ke-24
Linggih
21 Oktober 2004 – 20 Oktober 2009
PrésidhènSusilo Bambang Yudhoyono
Kang sadurungéAbdul Malik Fadjar
Kang sawiséMohammad Nuh
Mantri Artakarya Indonésia ke-21
Linggih
29 Oktober 1999 – 23 Agustus 2000
PrésidhènAbdurrahman Wahid
Kang sadurungéBambang Subianto
Kang sawiséPrijadi Praptosuhardjo
Rerincèn dhiri
Lair8 Oktober 1952 (umur 73)
Indhonésia Temanggung, Jawa Tengah, Indonésia
AgamaIslam

Bambang Sudibyo (lair ing Temanggung, 8 Oktober 1952; umur 73 taun)[1] iku pulitikus, ékonom, lan akadhemisi Indonésia.[1] Bambang Sudibyo tau njabat dadi Mantri Kauangan ing Kabinèt Persatuan Nasional lan Mantri Pendhidhikan Nasional Indonésia.[2] Sanajan dadi Dhosen Teladan II taun 1989 nanging Bambang Sudibyo nduwé pamikiran pulitik lan tau mèlu ngadegaké parté pulitik (Parté Amanat Nasional).[1] Sanajan mangkono, Bambang Sudibyo ngaku yèn dhèwèké dudu praktisi pulitik.[1]

Bambang Sudibyo iku anak guru agama kang uga duwé profèsi dadi wong tani tembako lan pari ing Temanggung.[1] Bambang Sudibyo iku anak kang kaping lima saka sadulur kang cacahé 11.[1] Bambang Sudibyo sekolah SD ing Temanggung lan nerusaké ing SMP Negeri 2 Temanggung.[1] Sawisé iku, Bambang Sudibyo banjur nutugaké sekolah ing SMA Negeri 1 Temanggung.[1] Nalika taun 1972, nalika umuré 18 taun Bambang Sudibyo banjur lunga menyang Yogyakarta amarga nerusaké sekolahé.[1] Bambang kuliyah ing jurusan Akuntansi Fakultas Ékonomi Universitas Gajah Mada (UGM).[1] Bambang bisa ngrampungaké kuliyahé kanthi gelar S1 lan dadi Sarjana Ékonomi nalika taun 1977.[1] Sawisé iku Bambang ditawani dadi dhosèn UGM, lan wiwit taun 1978 Bambang mulang ing UGM.[1]

Nalika taun 1979, Bambang palakrama karo Retno Sunarminingsih kang asalé saka kulawarga guru.[1] Sawisé palakrama, bojoné dadi dhosèn farmasi ing Universitas Gajah Mada (UGM).[1] Saiki, bojoné njabat dadi salah sijiné Wakil Rektor babagan Panelitèn ing UGM lan duwé gelar profèsor dhoktor.[1] Saka bebrayané iki, Bambang Sudibyo duwé anak kang jenengé Dananta Adi Nugraha lan Harintho Budhi Wibowo.[1]

Cathetan sikil

[besut | besut sumber]
  1. 1 2 3 4 5 6 7 8 9 10 11 12 13 14 15 16 kepustakaan-presiden.pnri.go.id[pranala mati permanèn](diundhuh tanggal 18 Agustus 2011)
  2. ↑ tokohindonesia.com Archived 2012-06-07 at the Wayback Machine.(diundhuh tanggal 18 Agustus 2011)


Dijupuk saka "https://jv.wikipedia.org/w/index.php?title=Bambang_Sudibyo&oldid=1710418"